കാപ്പി കുടിക്കാൻ ഇനി പേടി വേണ്ട!  ദിവസവും മൂന്ന് കപ്പ് കാപ്പി കുടിക്കുന്നത് ശരീരത്തിന് ദോഷകരമല്ലെന്ന് ഹൃദ്രോഗവിദഗ്ധർ. കഫീൻ അളവ് കൂടുന്നത് ആരോഗ്യത്തെ ബാധിക്കില്ലെന്ന് അമേരിക്കൻ കാർഡിയോളജി സർവ്വകലാശാലയിൽ നടന്ന പുതിയ പഠനങ്ങൾ വ്യക്തമാക്കുന്നു. കാപ്പിപ്രേമികൾക്ക് ഇതൊരു മധുരമുള്ള വാർത്ത തന്നെ!

മൂന്നു കപ്പ്‌ കാപ്പി കുടിക്കുന്നത് പാൽപറ്റെഷൻ റിസ്ക്‌ കുറയ്ക്കാൻ സഹായിക്കുമെന്നാണ് ഇവർ പറയുന്നത്. ഇത് ഹൃദ്രോഗമോ സ്ട്രോക്കോ വരുന്നത് തടയുമെന്നും പറയുന്നു. ചായയും കാപ്പിയും സമാനമായി ഹൃദയത്തെ സംരക്ഷിക്കുമെന്നാണ് പറയുന്നത്.  

360,000 ആളുകളിൽ നടത്തിയ പഠനത്തിലാണ് ഈ കണ്ടെത്തൽ. പഠനത്തിനു നേതൃത്വം നൽകിയ ഡോ. പീറ്റർ ക്രിസ്‌ലർ പറയുന്നത് ചായയിലും കോഫിയിലും അടങ്ങിയ ആന്റിഒക്സിഡന്റുകൾ തന്നെയാണ് ഇതിനു സഹായിക്കുന്നതെന്നാണ്. കാപ്പി അമിതമായി കുടിക്കുന്നത് നല്ലതോ ചീത്തയോ എന്നത് നീണ്ടകാലമായി ഡോക്ടർമാർക്കിടയിൽ നടക്കുന്ന സംവാദമാണ്. 

കാപ്പിയെ carcinogen ആയി കഴിഞ്ഞ മാസം കലിഫോർണിയയിൽ പ്രഖ്യാപിച്ചിരുന്നു. ഹൃദ്രോഗത്തിന് കാരണമാകുന്ന AF  എന്ന ഘടകത്തെ മുന്നോട്ടു നയിക്കുന്ന മോളിക്യൂളിനെ കഫീൻ ബ്ലോക്ക്‌ ചെയ്യുന്നുവെന്ന് ഡോ. പീറ്റർ പറയുന്നു. ഹൃദയം രക്തം പമ്പു ചെയ്യുന്നത് ക്രമരഹിതമാക്കാൻ ഈ  AF നു സാധിക്കും. പഠനപ്രകാരം സ്ഥിരമായി ചായ, കാപ്പി എന്നിവ ശീലമാക്കിയവർക്ക് ഹൃദയസംബന്ധമായ രോഗങ്ങൾ വരുന്നത് കുറവാണെന്നു പറയപ്പെടുന്നു. എന്തായാലും ഈ പുതിയ കണ്ടെത്തൽ കാപ്പിപ്രിയർക്കു നല്ലൊരു വാർത്തയായിരിക്കും എന്നതിൽ സംശയമില്ല . അമേരിക്കൻ കോളജ് ഓഫ് കാർഡിയോളജിയിൽ ഈ പഠനം പ്രസിദ്ധീകരിച്ചിരുന്നു.