വെയിറ്റ് ലോസ് ബിരിയാണി എങ്ങനെ തയാറാക്കാം 

അതിനായി ആദ്യം 200 ഗ്രാം ബസ്മതി റൈസ് കഴുകി 30 മിനിറ്റ് വെള്ളത്തില്‍ കുതിര്‍ക്കാന്‍ വയ്ക്കുക. ശേഷം

400 ഗ്രാം ബോണ്‍ലെസ് ചിക്കന്‍ കഷണങ്ങളാക്കിയ ശേഷം അതിലേക്ക് 100 ഗ്രാം യോഗര്‍ട്ട്, ഒരു പിടി പുതിനയില, രണ്ട് ടേബിള്‍ സ്പൂണ്‍ ഹൈദരാബാദി ബിരിയാണി പൊടി, അര സ്പൂണ്‍ കശ്മീരി മുളകു പൊടി, ഒരു നുള്ള് ഏലക്ക, പാകത്തിന് ഉപ്പ് എന്നിവ ചേര്‍ത്ത് മാരിനേറ്റ് ചെയ്‌തെടുക്കുക. 30 മിനിറ്റ് ഇത് ഫ്രിഡ്ജില്‍ വയ്ക്കുക.

100 ഗ്രാമോളം സവാള നീളത്തില്‍ കനം കുറഞ്ഞ് അരിഞ്ഞ് ഒരു ടീസ്പൂണ്‍ നെയ്യില്‍ വഴറ്റിയെടുക്കണം.

ഇനി ഒരു പാത്രത്തില്‍ ഒരു ലിറ്റര്‍ വെള്ളം കുറഞ്ഞ ചൂടില്‍ എടുക്കുക. ഇതിലേക്ക് 1/2 ടീസ്പൂണ്‍ ജീരകം, 45 കുരുമുളക്, ഒരു കഷ്ണം കറുവപ്പട്ട, അല്‍പം ഏലക്ക പൊടിച്ചത്, മൂന്ന് ഗ്രാമ്പൂ, ഒരു വഴനയില, ആവശ്യത്തിന് ഉപ്പ് എന്നിവ ചേര്‍ക്കുക. ശേഷം മൂടി വെച്ച് 10-15 മിനിറ്റ് തിളപ്പിക്കുക. അരി തിളച്ച വെള്ളത്തില്‍ കുറഞ്ഞ തീയില്‍ 10-12 മിനിറ്റ് വേവിക്കുക. പാകമായാല്‍ വറ്റിച്ച് മാറ്റി വയ്ക്കുക.

ശേഷം, ഇതിലേക്ക് രണ്ട് ടീസ്പൂണ്‍ ചൂടുള്ള പാലും കുറച്ച് ചതച്ച കുങ്കുമപ്പൂവും ചേര്‍ക്കുക. നന്നായി ഇളക്കി മാറ്റി വയ്ക്കുക. ബിരിയാണി തയ്യാറാക്കാനായി ഒരു വലിയ പാത്രം അടുപ്പത്ത് വച്ച്  കുറഞ്ഞ തീയില്‍ ചൂടാക്കുക, ഒരു ടീസ്പൂണ്‍ നെയ്യ്, മുഴുവന്‍ സുഗന്ധവ്യഞ്ജനങ്ങളും (മുകളില്‍ പറഞ്ഞതുപോലെ) ഇതിലേക്കു ചേര്‍ക്കുക.

100 ഗ്രാം ഉള്ളി അരിഞ്ഞത് സ്വര്‍ണ്ണ തവിട്ട് നിറമാകുന്നതുവരെ വഴറ്റുക. ഇതിലേക്ക് ചിക്കന്‍ ചേര്‍ത്ത്  തുടര്‍ന്ന് വേവിച്ച അരിയും  ചേര്‍ക്കുക. പാത്രത്തിനടിയില്‍ ഒരു തവ വയ്ക്കുക.

ഇനി വറുത്ത ഉള്ളി, ഒരു പിടി പുതിന, മല്ലിയില എന്നിവ മുകളില്‍ വിതറുക. മൂടി അടച്ച് കുറഞ്ഞ തീയില്‍ 30 മിനിറ്റ് വേവിക്കുക. ബിരിയാണി റെഡി. 

റൈത്തയ്ക്കായി- 300 ഗ്രാം കൊഴുപ്പ് കുറഞ്ഞ ഗ്രീക്ക് യോഗേര്‍ട്ട് രണ്ട് ഇടത്തരം വെള്ളരിക്ക, ഒരു ചെറിയ തക്കാളി, ഒരു ചെറിയ ഉള്ളി, ഒരു ചെറിയ പച്ചമുളക്, ഉപ്പ് എന്നിവ ചേര്‍ത്ത് കഴിക്കാവുന്നത്.