ചേരുവകൾ

    വെണ്ടയ്ക്ക – 250 ഗ്രാം

    തേങ്ങ ചിരകിയത് – 1 കപ്പ്

    ചെറിയ ഉള്ളി – 6–8 എണ്ണം

    വറ്റൽ മുളക് – 3–4 എണ്ണം

    മല്ലിപ്പൊടി – 1½ ടീസ്പൂൺ

    മഞ്ഞൾപ്പൊടി – ¼ ടീസ്പൂൺ

    പുളി – ചെറിയ നെല്ലിക്ക വലുപ്പത്തിൽ

    ഉപ്പ് – ആവശ്യത്തിന്

    വെള്ളം – ആവശ്യത്തിന്

    വെളിച്ചെണ്ണ – 2 ടേബിൾസ്പൂൺ

വറുത്തരയ്ക്കാൻ

    പാനിൽ 1 ടീസ്പൂൺ വെളിച്ചെണ്ണ ചൂടാക്കുക.

    തേങ്ങയും ചെറിയ ഉള്ളിയും വറ്റൽമുളകും ചേർത്ത് നന്നായി ബ്രൗൺ നിറമാകുന്നതുവരെ വറുക്കുക.

    തീ കുറച്ച് മല്ലിപ്പൊടിയും മഞ്ഞൾപ്പൊടിയും ചേർത്ത് 30 സെക്കന്റ് ഇളക്കുക.

    തണുത്ത ശേഷം കുറച്ച് വെള്ളം ചേർത്ത് നന്നായി അരച്ചെടുക്കുക.

തയ്യാറാക്കുന്ന വിധം

    വെണ്ടയ്ക്ക കഴുകി തുടച്ച് ചെറിയ കഷണങ്ങളായി മുറിക്കുക.

    പാനിൽ 1 ടേബിൾസ്പൂൺ വെളിച്ചെണ്ണ ഒഴിച്ച് വെണ്ടയ്ക്ക ഒട്ടൽ മാറുന്നതുവരെ വഴറ്റുക.

    അരച്ച തേങ്ങക്കൂട്ട്, പുളിവെള്ളം, ഉപ്പ്, ആവശ്യത്തിന് വെള്ളം എന്നിവ ചേർക്കുക.

    നന്നായി തിളച്ച ശേഷം 5–7 മിനിറ്റ് ചെറുതീയിൽ വേവിക്കുക.

    അവസാനം 1 ടീസ്പൂൺ വെളിച്ചെണ്ണ മുകളിൽ ഒഴിച്ച് തീ ഓഫ് ചെയ്യാം.