പുറത്തു ക്രിസ്പി, അകത്ത് സോഫ്റ്റ്; ഒറ്റത്തവണ കഴിച്ചാൽ വീണ്ടും ചോദിക്കും! 

 ചേരുവകൾ

- ഉഴുന്ന് – 1 കപ്പ്
- സവാള – 1 ചെറുത്
- പച്ചമുളക് – 2 എണ്ണം
- ഇഞ്ചി – 1 ചെറിയ കഷണം
- കറിവേപ്പില – ആവശ്യത്തിന്
- കുരുമുളക് – ½ ടീസ്പൂൺ
- ഉപ്പ് – ആവശ്യത്തിന്
- എണ്ണ – വറുക്കാൻ

തയ്യാറാക്കുന്ന വിധം

ഉഴുന്ന് 3–4 മണിക്കൂർ വെള്ളത്തിൽ കുതിർക്കുക. വെള്ളം പൂർണമായി ഊറ്റിയശേഷം വളരെ കുറച്ച് വെള്ളം മാത്രം ചേർത്ത് കട്ടിയുള്ള മാവായി അരച്ചെടുക്കുക. മാവ് കൂടുതൽ അയഞ്ഞുപോയാൽ ശരിയായ ആകൃതിയിൽ തയ്യാറാക്കാൻ ബുദ്ധിമുട്ടാകും.
മാവിലേക്ക് ചെറുതായി അരിഞ്ഞ സവാള, പച്ചമുളക്, ഇഞ്ചി, കറിവേപ്പില, കുരുമുളക്, ഉപ്പ് എന്നിവ ചേർത്ത് നന്നായി ഇളക്കുക. കൈ നനച്ച് മാവ് ചെറിയ ഉരുളകളാക്കി നടുവിൽ ദ്വാരമിട്ട് രൂപപ്പെടുത്താം. ചൂടായ എണ്ണയിൽ മിതമായ തീയിൽ ഇരുവശവും സ്വർണനിറമാകുന്നതുവരെ വറുത്തെടുക്കുക. തേങ്ങാച്ചമ്മന്തിക്കൊപ്പം ചൂടോടെ വിളമ്പാം.