ചേരുവകൾ

തുവരപ്പരിപ്പ്-അര കപ്പ്

ഉലുവ-അര ടീസ്പൂൺ

ഉഴുന്നുപരിപ്പ്-1 ടീസ്പൂൺ

ഉണക്കമുളക്-4

മുഴുവൻ മല്ലി-ഒന്നര ടേബിൾ സ്പൂൺ

തേങ്ങ-കാൽ കപ്പ്

ചെറിയുള്ളി-30

പച്ചക്കറികൾ-2 കപ്പ്

പച്ചമുളക്-2

കായം-ഒരു നുള്ള്

പുളിവെള്ളം-അര കപ്പ്

ശർക്കര-ഒന്നര ടീസ്പൂൺ

കടുക്-1 ടീസ്പൂൺ

കറിവേപ്പില ‍

തുവരപ്പരിപ്പു കഴുകി കുതിർത്ത് വേവിയ്ക്കുക.

ഉണ്ടാക്കേണ്ട വിധം
ഒരു പാനിൽ അൽപം വെളിച്ചെണ്ണയോ ഓയിലോ ചൂടാക്കി ഉഴുന്നു പരിപ്പ്, ഉലുവ എന്നിവ മൂപ്പിയ്ക്കുക. ഇതിനൊപ്പം കറിവേപ്പില, ചുവന്ന മുളക്, തേങ്ങ, മല്ലി എ്ന്നിവയും ചുവക്കനെ മൂപ്പിച്ച ശേഷം ചൂടാറുമ്പോൾ അൽപം വെള്ളം ചേർത്ത് അരച്ചു പേസ്റ്റാക്കുക.
പാനിൽ അൽപം ഓയിൽ ഒഴിച്ചു ചൂടാക്കി കടുകു പൊട്ടിയ്ക്കുക. കായം ചേർക്കുക. പിന്നീട് ചെറുയുള്ളി, പച്ചമുളക്, കറിവേപ്പില എന്നിവ ചേർത്തിളക്കണം. ഇതിലേയ്ക്കു പച്ചക്കറികൾ ചേർ്ത്തിളക്കുക. ഇത് വേവിയ്ക്കുക.
വെന്തു കഴിയുമ്പോൾ പുളിവെള്ളം, ശർക്കര, ഉപ്പ് എന്നിവ ചേർത്തിളക്കുക. ഇത് തിളച്ച ശേഷം വേവിച്ച പരിപ്പു ചേർത്തിളക്കുക.
പിന്നീട് അരച്ച മസാല പേസ്റ്റും ചേർക്കണം.

ഇത് നല്ലപോലെ ഇളക്കിച്ചേർത്തു വെന്തു കഴിയുമ്പോൾ വാങ്ങി വയ്ക്കാം.