നാടന് സ്റ്റൈലില് ഒരു കുമ്പളങ്ങ മോര് കറി
കുമ്പളങ്ങ - 250 ഗ്രാം (ചതുരത്തില് അരിഞ്ഞത്)
തൈര് - 1 കപ്പ് (നന്നായി ഉടച്ചത്)
തേങ്ങ ചിരകിയത് - അര കപ്പ്
പച്ചമുളക് 3-4 എണ്ണം
ജീരകം -അര ടീസ്പൂണ്
ആവശ്യമായ സാധനങ്ങള്
കുമ്പളങ്ങ - 250 ഗ്രാം (ചതുരത്തില് അരിഞ്ഞത്)
തൈര് - 1 കപ്പ് (നന്നായി ഉടച്ചത്)
തേങ്ങ ചിരകിയത് - അര കപ്പ്
പച്ചമുളക് 3-4 എണ്ണം
ജീരകം -അര ടീസ്പൂണ്
മഞ്ഞപ്പൊടി - കാല് ടീസ്പൂണ്
ഉലുവ - ഒരു നുള്ള്
ഉപ്പ് - ആവശ്യത്തിന്
വെളിച്ചെണ്ണ, കടുക്, വറ്റല് മുളക്, കറിവേപ്പില - താളിക്കാന്
തയ്യാറാക്കുന്ന വിധം
കുമ്പളങ്ങ വേവിക്കാം- അരിഞ്ഞു വച്ചിരിക്കുന്ന കുമ്പളങ്ങ കഷണങ്ങള് മഞ്ഞള്പ്പൊടിയും ഉപ്പും കുറച്ചു വെള്ളവും ചേര്ത്ത് വേവിക്കുക. കഷണങ്ങള് നന്നായി വെന്തു വരുമ്പോള് തീ കുറയ്ക്കാം. തേങ്ങ, പച്ചമുളക്, ജീരകം എന്നിവ കുറച്ചു വെള്ളം ചേര്ത്ത് നന്നായി അരച്ചെടുക്കുക. ഈ അരപ്പ് വെന്ത കുമ്പളങ്ങയിലേക്ക് ചേര്ത്ത് പച്ചമണം മാറുന്നത് വരെ ഒന്ന് തിളപ്പിക്കുക.
നന്നായി ഉടച്ചു വച്ചിരിക്കുന്ന തൈര് കറിയിലേക്ക് ചേര്ക്കുക. തൈര് ചേര്ത്ത ശേഷം കറി തിളയ്ക്കാന് അനുവദിക്കരുത്, ചെറുതായി ചൂടായാല് ഉടന് തീ അണയ്ക്കാം. തിളച്ചാല് മോര് കറി പിരിഞ്ഞുപോവാന് സാധ്യതയുണ്ട്.
ഒരു പാനില് വെളിച്ചെണ്ണ ചൂടാക്കി കടുക്, ഉലുവ, വറ്റല് മുളക്, കറിവേപ്പില എന്നിവ ഇട്ട് മൂപ്പിച്ച് കറിയിലേക്ക് ഒഴിക്കുക. രുചികരമായ നാടന് കുമ്പളങ്ങ മോര് കറി റെഡി.