മധുരവും പുളിയും എരിവും ഒരുമിച്ചെത്തുന്ന വ്യത്യസ്ത രുചി

 ചേരുവകൾ

- എല്ലില്ലാത്ത ചിക്കൻ – 300 ഗ്രാം
- കോൺഫ്ലോർ – 2 ടേബിൾസ്പൂൺ
- കാപ്സിക്കം – 1 എണ്ണം
- സവാള – 1 എണ്ണം
- പൈനാപ്പിൾ കഷണങ്ങൾ – ½ കപ്പ്
- തക്കാളി സോസ് – 3 ടേബിൾസ്പൂൺ
- വിനാഗിരി – 1 ടേബിൾസ്പൂൺ
- സോയ സോസ് – 1 ടീസ്പൂൺ
- പഞ്ചസാര – 1 ടീസ്പൂൺ
- വെളുത്തുള്ളി – 1 ടീസ്പൂൺ
- എണ്ണയും ഉപ്പും – ആവശ്യത്തിന്

തയ്യാറാക്കുന്ന വിധം

1. ചിക്കനിൽ അല്പം ഉപ്പും കോൺഫ്ലോറും ചേർത്ത് യോജിപ്പിച്ച് പാനിൽ എണ്ണയിൽ നന്നായി വേവിച്ചെടുക്കുക.
2. മറ്റൊരു പാനിൽ എണ്ണ ചൂടാക്കി വെളുത്തുള്ളി, സവാള, കാപ്സിക്കം എന്നിവ വഴറ്റുക.
3. തക്കാളി സോസ്, സോയ സോസ്, വിനാഗിരി, പഞ്ചസാര എന്നിവ ചേർത്ത് ഇളക്കുക.
4. പൈനാപ്പിൾ കഷണങ്ങളും ചിക്കനും ചേർത്ത് യോജിപ്പിക്കുക.
5. സോസ് ചിക്കനിൽ നന്നായി പൊതിയുന്നതുവരെ വേവിച്ചശേഷം വിളമ്പുക.