അവശ്യ സാധനങ്ങൾ

നെയ്യ്- 1 ടീസ്പൂൺ
അവൽ- 2 കപ്പ്
നേന്ത്രപ്പഴം- 4
പഞ്ചസാര- 2 ടേബിൾസ്പൂൺ
ഏലയ്ക്ക- 2 ടീസ്പൂൺ
നിലക്കടല – ആവശ്യത്തിന്
ഉണക്കമുന്തിരി – ആവശ്യത്തിന്
പാൽ – അര കപ്പ്
ഐസ്ക്രീം – ഒരു സ്‌കൂപ്പ്

തയാറാക്കുന്ന വിധം

ആദ്യം പാനിൽ നെയ്യ് ചേർത്തശേഷം അവൽ വറുത്തെടുക്കാം. അതേ പാനിൽ തന്നെ ഉണക്കമുന്തിരി, നിലക്കടല എന്നിവയും വറുത്തെടുക്കാം. ഇനി നന്നായി പഴുത്ത നേന്ത്രപ്പഴം ഉടച്ചെടുക്കാം. അതിലേയ്ക്ക് ഏലയ്ക്കപ്പൊടി കൂടി ചേർക്കുക. ഇനി ഒരു വലിയ ഗ്ലാസിലേക്ക് വറുത്ത അവൽ ഒരു സ്പൂൺ ചേർക്കാം. അതിനു മുകളിലേക്ക് നിലക്കടല, പഴം ഉടച്ചത്, അൽപം ഉണക്കമുന്തിരി എന്നിവ കൂടി ചേർക്കാം. ഇനി പാൽ ഒഴിച്ച് മുകളിലായി ഒരു സ്കൂപ്പ് ഐസ്ക്രീം കൂടി വയ്ക്കാം.