വേണ്ട ചേരുവകൾ

മൈദ - ഒരു കപ്പ്

ഉപ്പ് - ഒരു സ്പൂൺ

തൈര് - രണ്ട് സ്പൂൺ

വെള്ളം - ആവശ്യത്തിന്

എണ്ണ - രണ്ട് സ്പൂൺ

മഷ്റൂം - ഒരു കപ്പ്

മഞ്ഞൾപ്പൊടി - ഒരു സ്പൂൺ

ഗരം മസാല - ഒരു സ്പൂൺ

മുളകുപൊടി - ഒരു സ്പൂൺ

എണ്ണ - മൂന്ന് സ്പൂൺ

പിസ്സ സോസ് - നാല് സ്പൂൺ

ചീസ് - അര കപ്പ്‌

ക്യാപ്സിക്കം - കാൽ കപ്പ്

സവാള - ഒരെണ്ണം

ചോളം പുഴുങ്ങിയത് - രണ്ട് സ്പൂൺ

പിസ്സ സീസണിംഗ് -1 സ്പൂണ്‍

ചില്ലി ഫ്ലേക്‌സ്‌ -1 സ്പൂൺ

തയ്യാറാക്കുന്ന വിധം

ഒരു പാത്രത്തിലേയ്ക്ക് ആവശ്യത്തിന് മൈദ എടുത്തതിന് ശേഷം അതിലേയ്ക്ക് തൈരും ആവശ്യത്തിന് എണ്ണയും ഉപ്പും ചേർത്ത് വെള്ളം ഒഴിച്ച് നല്ലതുപോലെ കുഴച്ചു മാറ്റി വയ്ക്കുക. എന്നിട്ട് ഈ മാവ് ചെറിയ ഉരുളയാക്കി കൈകൊണ്ട് ഒന്ന് പരത്തുക. അതിനുശേഷം ഒരു ഫോർക്ക് കൊണ്ട് ചെറിയ ഹോളുകള്‍ ഇട്ടുകൊടുക്കുക. ഇനി അതിനുമുകളിലായി ചീസ് വിതറി കൊടുക്കുക. ശേഷം മുകളില്‍ മഷ്റൂം ഫ്രൈ ചെയ്തത് കൂടി വെച്ചുകൊടുക്കുക. എന്നിട്ട് അതിലേക്ക് ചില്ലി ഫ്ലക്സ്, ആവശ്യത്തിന് പിസ്സ സീസണിംഗ് എന്നിവ ചേർത്തു കൊടുക്കുക. ശേഷം ഉപ്പും കൂടി സ്പ്രെഡ് ചെയ്തു കൊടുക്കാം. എന്നിട്ട് ഓവനിലേക്ക് വെച്ച് ഫ്രൈ ചെയ്തെടുക്കാവുന്നതാണ്.