ചേരുവകൾ

നെയ്യ് – 1 ടീസ്പൂൺ
നേർത്ത വെർമിസെല്ലി – 1 കപ്പ്‌
പാൽ – 1 ലിറ്റർ
പഞ്ചസാര – 3/4 കപ്പ്‌
മിൽക്ക് മെയ്ഡ് – 1/2 കപ്പ്‌
ഉണക്ക മുന്തിരി നെയ്യിൽ വറുത്തത് – 1 ടീ സ്പൂൺ
കശുവണ്ടി നെയ്യിൽ വറുത്തത് – 1 ടേബിൾ സ്പൂൺ

തയാറാക്കുന്ന വിധം

ചുവട് കട്ടിയുള്ള പാത്രത്തിൽ 1 ടീ സ്പൂൺ നെയ്യൊഴിച്ചു സ്വർണ നിറമാകുന്ന വരെ വെർമിസെല്ലി വറുക്കുക. ഒരു പാനിൽ 1 ലിറ്റർ പാൽ തിളപ്പിക്കുക. നന്നായി തിളച്ചു വരുമ്പോൾ പഞ്ചസാര ചേർത്ത് ഇളക്കുക. പാലിന്റെ നിറം ചെറുതായി മാറുന്നത് വരെ ഇളക്കുക. അതിന് ശേഷം വറുത്തു വെച്ചിരിക്കുന്ന സേമിയ ചേർത്ത് നന്നായി ഇളക്കുക. 2-3 മിനിറ്റ് വരെ തിളപ്പിക്കുക. ശേഷം മിൽക്ക് മെയ്ഡ് ചേർത്തുക. തിളച്ചു വരുമ്പോൾ നെയ്യിൽ വറുത്തു വെച്ചിരിക്കുന്ന ഉണക്ക മുന്തിരിയും കശുവണ്ടിയും ചേർക്കുക.