ചേരുവകള്‍ 

വെര്‍മിസല്ലി: 2 കപ്പ് (വറുത്തതാണെങ്കില്‍ നല്ലത്)

സവാള: 1 എണ്ണം (നീളത്തില്‍ അരിഞ്ഞത്)

ver.jpg

പച്ചമുളക്: 2-3 എണ്ണം (അരിഞ്ഞത്)

ഇഞ്ചി: ഒരു ചെറിയ കഷ്ണം (പൊടിയായി അരിഞ്ഞത്)

കാരറ്റ്, ബീന്‍സ്: കാല്‍ കപ്പ് (ഓപ്ഷണല്‍  ചെറിയ കഷ്ണങ്ങളാക്കിയത്)

കറിവേപ്പില: ഒരു തണ്ട്

കടുക്: 1 ടീസ്പൂണ്‍

ഉഴുന്നുപരിപ്പ്: 1 ടീസ്പൂണ്‍

വറ്റല്‍ മുളക്: 2 എണ്ണം

തേങ്ങ ചിരകിയത്: 3 ടേബിള്‍ സ്പൂണ്‍

എണ്ണ: 2 ടേബിള്‍ സ്പൂണ്‍

ഉപ്പ്: ആവശ്യത്തിന്

വെള്ളം: ഏകദേശം 3 മുതല്‍ 3.5 കപ്പ് വരെ (സേമിയ മുങ്ങി നില്‍ക്കാന്‍ പാകത്തിന്)

ഉണ്ടാക്കുന്ന വിധം

സേമിയ വറുക്കുക: നിങ്ങള്‍ വാങ്ങിയ സേമിയ വറുത്തതല്ലെങ്കില്‍ (Non-roasted), ഒരു പാനില്‍ അല്‍പം നെയ്യോ എണ്ണയോ ഒഴിച്ച് സ്വര്‍ണനിറമാകുന്നതുവരെ നന്നായി വറുത്തെടുക്കുക. വറുത്ത സേമിയ ആണെങ്കില്‍ അതെടുക്കാം.

ഒരു പാനില്‍ എണ്ണ ചൂടാക്കി കടുക് പൊട്ടിക്കുക. ഇതിലേക്ക് ഉഴുന്നുപരിപ്പ്, വറ്റല്‍ മുളക്, കറിവേപ്പില എന്നിവ ചേര്‍ത്ത് മൂപ്പിക്കുക.

അരിഞ്ഞു വച്ചിരിക്കുന്ന ഇഞ്ചി, പച്ചമുളക്, സവാള എന്നിവ ചേര്‍ത്ത് നന്നായി വഴറ്റുക. സവാള ഒന്ന് വാടി വരുമ്പോള്‍ പച്ചക്കറികള്‍ (കാരറ്റ്, ബീന്‍സ്) ചേര്‍ത്ത് രണ്ട് മിനിറ്റ് കൂടി വഴറ്റുക. ഇതിലേക്ക് ആവശ്യമായ വെള്ളം ഒഴിക്കുക. ആവശ്യത്തിന് ഉപ്പും ചേര്‍ക്കുക. വെള്ളം നന്നായി തിളയ്ക്കാന്‍ അനുവദിക്കുക.

വെള്ളം വെട്ടിത്തിളയ്ക്കുമ്പോള്‍ തീ കുറച്ച് വച്ച ശേഷം സേമിയ പതുക്കെ ചേര്‍ക്കുക. പതുക്കെ ഒന്ന് ഇളക്കി യോജിപ്പിക്കുക. ശേഷം 
പാന്‍ ഒരു മൂടി കൊണ്ട് അടച്ചുവെച്ച് കുറഞ്ഞ തീയില്‍ (Low flame) വേവിക്കുക. വെള്ളം ഏകദേശം വറ്റി വരുമ്പോള്‍ അടപ്പ് തുറന്ന് പതുക്കെ ഇളക്കുക.  വെള്ളം പൂര്‍ണ്ണമായും വറ്റി സേമിയ വെന്ത് പാകമാകുമ്പോള്‍ ചിരകിയ തേങ്ങ മുകളില്‍ വിതറി ഇളക്കി തീ അണയ്ക്കുക.