റാഗി ദോശയും തക്കാളി ചട്ണിയും; നാരുകളുള്ള ലളിതമായ അത്താഴം

 ചേരുവകൾ:

- റാഗിപ്പൊടി – 1 കപ്പ്
- അരിപ്പൊടി – ¼ കപ്പ്
- തൈര് – 2 ടേബിൾസ്പൂൺ
- ജീരകം – ½ ടീസ്പൂൺ
- വെള്ളം – ആവശ്യത്തിന്
- ഉപ്പ് – ആവശ്യത്തിന്
ചട്ണിക്ക്:
- തക്കാളി – 2 എണ്ണം
- സവാള – ½ എണ്ണം
- വെളുത്തുള്ളി – 1 അല്ലി
- എണ്ണ – 1 ടീസ്പൂൺ

തയ്യാറാക്കുന്ന വിധം:

റാഗിപ്പൊടി, അരിപ്പൊടി, തൈര്, ജീരകം, ഉപ്പ് എന്നിവ ചേർത്ത് വെള്ളമൊഴിച്ച് ദോശമാവിന്റെ പരുവത്തിൽ കലക്കുക. പത്ത് മിനിറ്റ് മാറ്റിവച്ചശേഷം ചൂടായ ദോശക്കല്ലിൽ മാവ് ഒഴിച്ച് പരത്തുക. ഇരുവശവും വേവിച്ചെടുക്കുക.

ചട്ണിക്കായി പാനിൽ എണ്ണ ചൂടാക്കി സവാളയും വെളുത്തുള്ളിയും വഴറ്റുക. തക്കാളി ചേർത്ത് നന്നായി വേവിച്ചശേഷം തണുപ്പിച്ച് അരച്ചെടുക്കുക. റാഗി ദോശയ്ക്കൊപ്പം ചട്ണി വിളമ്പാം.