പാലപ്പത്തിന് ആവശ്യമായ ചേരുവകൾ

പച്ചരി- 1 1/2 കപ്പ്
തേങ്ങ- 1 കപ്പ്
ചോറ്- 1/2 കപ്പ്
തേങ്ങാവെള്ളം
പഞ്ചസാര
തയ്യാറാക്കുന്ന വിധം

ആദ്യം ഒന്നര കപ്പ് പച്ചരി കുതിർക്കാൻ വയ്ക്കണം. 8 മണിക്കൂറെങ്കിലും കുതിർക്കാൻ വയ്ക്കണം. ശേഷം ഒരു കപ്പ് തേങ്ങ ചിരകിയതിലേക്ക് അര കപ്പ് വേവിച്ച ചോറും ആവശ്യത്തിന് ഉപ്പും കുറച്ച് വെള്ളവും ചേർത്ത് നന്നായി അരച്ചെടുക്കാം. ഈ മിക്സിലേക്ക് പ്രത്യേകം അരച്ചെടുത്ത പച്ചരിയും ചേർത്ത് നന്നായി ഇളക്കി യോജിപ്പിക്കാം.

ഇനിയാണ് ആ സ്പെഷ്യൽ ഐറ്റം ചേർക്കേണ്ടത്. ഒരു തേങ്ങയുടെ വെള്ളത്തിലേക്ക് ഒരു ടീസ്പൂൺ പഞ്ചസാരയിട്ട് യോജിപ്പിച്ച് ഇത് മാവിലേയ്ക്ക് ചേർത്തിളക്കി യോജിപ്പിക്കാം. ഈ മാവ് ഇനി 8 മണിക്കൂർ അടച്ചു മാറ്റിവെക്കണം. ഓവർനൈറ്റ് വയ്ക്കുന്നതാണ് നല്ലത്. മാവ് പുളിച്ചതിനു ശേഷം അപ്പങ്ങൾ ഓരോന്നായി ചുട്ടെടുക്കാം.