ചേരുവകൾ

കൊഴുക്കട്ടയ്ക്ക്

അരിപ്പൊടി – 1 കപ്പ്
ചൂടുവെള്ളം – ആവശ്യത്തിന്
ഒരു നുള്ള് ഉപ്പ്
1 ടീസ്പൂൺ നെയ്

പാലിന്

പാൽ – 1 ലിറ്റർ
പഞ്ചസാര – ½ മുതൽ ¾ കപ്പ് വരെ (രുചിക്കനുസരിച്ച്)
ഏലക്കാപ്പൊടി – ½ ടീസ്പൂൺ
നെയ് – 1 ടീസ്പൂൺ
കശുവണ്ടി – 10 എണ്ണം
ഉണക്കമുന്തിരി – 1 ടേബിൾസ്പൂൺ
തയ്യാറാക്കുന്ന വിധം
അരിപ്പൊടിയിൽ ഉപ്പും നെയ്‌യും ചേർത്ത് ആവശ്യത്തിന് ചൂടുവെള്ളം ഒഴിച്ച് മൃദുവായ മാവ് കുഴയ്ക്കുക.
മാവിൽ നിന്ന് ചെറിയ ഉരുളകളോ നീളത്തിലുള്ള കൊഴുക്കട്ടകളോ ഉരുട്ടി തയ്യാറാക്കുക.
ഒരു പാത്രത്തിൽ വെള്ളം തിളപ്പിച്ച് കൊഴുക്കട്ടകൾ 5–7 മിനിറ്റ് വേവിക്കുക. വെന്താൽ കോരിയെടുത്ത് മാറ്റിവയ്ക്കുക.
മറ്റൊരു പാത്രത്തിൽ പാൽ തിളപ്പിച്ച് ചെറുതീയിൽ അൽപം കുറുകുന്നതുവരെ വേവിക്കുക.
പഞ്ചസാര ചേർത്ത് നന്നായി ഇളക്കുക.
വേവിച്ച കൊഴുക്കട്ടകൾ പാലിലേക്ക് ചേർത്ത് 5 മിനിറ്റ് ചെറുതീയിൽ വേവിക്കുക.
ഏലക്കാപ്പൊടി ചേർക്കുക.
നെയ്യിൽ കശുവണ്ടിയും ഉണക്കമുന്തിരിയും വറുത്ത് പാൽക്കൊഴുക്കട്ടയിലേക്ക് ചേർക്കുക.
ചൂടോടെയോ തണുപ്പിച്ചോ വിളമ്പാം.