ചേരുവകൾ

ഓറഞ്ച് തൊലി ചെറുതായി അരിഞ്ഞത്-  1 കപ്പ്

പുളി- ആവശ്യത്തിന്

മുളക് പൊടി-  2 ടീ  സ്പൂൺ

ഉപ്പ്- ആവശ്യത്തിന്

കായപ്പൊടി- 1/4 ടേബിൾ സ്പൂൺ

ഉലുവപ്പൊടി- 1/4 ടീ സ്പൂൺ

കടുക്- ആവശ്യത്തിന്

വറ്റൽ മുളക്- 3

നല്ലെണ്ണ- 3 ടേബിൾ സ്പൂൺ

തയ്യാറാക്കുന്ന വിധം

ഒരു ചീനച്ചട്ടിയിൽ നല്ലെണ്ണ ഒഴിച്ച് ചൂടാക്കുക. നന്നായി ചൂടാകുമ്പോൾ കടുക് താളിക്കുക. കടുക് പൊട്ടുമ്പോൾ മുളകും കറിവേപ്പിലയും ചേർത്തിളക്കുക

അതിനു ശേഷം ഓറഞ്ച് തൊലിയും ചേർത്ത് നന്നായി വഴറ്റുക.

ഓറഞ്ച് തൊലി നന്നായി വാടുമ്പോൾ മുളക് പൊടിയും , ഉലുവാപ്പൊടിയും, കായപ്പൊടിയും ഉപ്പും ചേർത്തിളക്കുക.

ഒരു പാത്രത്തിൽ പുളി പിഴിഞ്ഞെടുക്കുക. നന്നായി അരിച്ചെടുത്ത ശേഷം പുളി വെള്ളം ചേർക്കുക.

വെള്ളം നന്നായി തിളച്ചു വരുമ്പോൾ ഗ്യാസ് ഓഫ് ചെയ്യുക.