ചേരുവകൾ
ഗോതമ്പ് പൊടി – 1 കപ്പ്
സവാള – ആവശ്യത്തിന് (ചെറുതായി അരിഞ്ഞത്)
പച്ചമുളക് (അരിഞ്ഞത്) അല്ലെങ്കിൽ മുളകുപൊടി – ആവശ്യത്തിന്
ബേക്കിംഗ് സോഡ – 1/4 ടീ സ്പൂൺ
വെളിച്ചെണ്ണ – ദോശ പരത്താനും മൊരിക്കാനും ആവശ്യത്തിന്
ഉപ്പ് – പാകത്തിന്
വെള്ളം – ആവശ്യത്തിന്
തയ്യാറാക്കുന്ന വിധം
സ്റ്റെപ്പ് 1: മാവ് തയ്യാറാക്കൽ
ഒരു പാത്രത്തിലേക്ക് ഗോതമ്പ് പൊടിയും പാകത്തിന് ഉപ്പും ആവശ്യത്തിന് വെള്ളവും ചേർത്ത്, ഗോതമ്പ് ദോശയുടെ പരുവത്തിൽ (അധികം കട്ടിയല്ലാതെയോ ലൂസാകാതെയോ) കട്ടകെട്ടാതെ നന്നായി മിക്സ് ചെയ്ത് എടുക്കുക.
ഈ മാവ് 10 മിനിറ്റ് മാറ്റി വെക്കുക (നന്നായി കുതിരാൻ വേണ്ടിയാണിത്).
10 മിനിറ്റിനു ശേഷം കുതിർന്ന മാവിലേക്ക് 1/4 ടീ സ്പൂൺ ബേക്കിംഗ് സോഡയും, ആവശ്യമുണ്ടെങ്കിൽ അല്പം കൂടി വെള്ളവും ചേർത്ത് നന്നായി ഇളക്കി യോജിപ്പിക്കുക.
സ്റ്റെപ്പ് 2: ഉള്ളി ദോശ ചുട്ടെടുക്കൽ
ഒരു ദോശക്കല്ല് (Tawa) അടുപ്പത്ത് വെച്ച് നന്നായി ചൂടാക്കുക.
തവ ചൂടായ ശേഷം തയ്യാറാക്കി വെച്ചിരിക്കുന്ന മാവ് ഒഴിക്കുക (അധികം നേരെയാക്കി പരത്തേണ്ടതില്ല).
ദോശയ്ക്ക് മുകളിലായി കുറച്ചു വെളിച്ചെണ്ണ സ്പ്രെഡ് ചെയ്തു കൊടുക്കുക.
തൊട്ടുപിന്നാലെ ചെറുതായി അരിഞ്ഞു വെച്ചിരിക്കുന്ന സവാളയും, അരിഞ്ഞ പച്ചമുളകോ മുളകുപൊടിയോ ഇതിനു മുകളിലായി വിതറി കൊടുക്കുക.
വേണമെങ്കിൽ അല്പം കൂടി വെളിച്ചെണ്ണ മുകളിലേക്ക് തൂകി കൊടുക്കാം.
ഇത് തിരിച്ചിടാതെ, ചെറിയ തീയിൽ (Low flame) അടച്ചുവെച്ചോ അല്ലാതെയോ നന്നായി മൊരിഞ്ഞു വരുന്നതുവരെ വേവിച്ചെടുക്കുക.
കറികളുടെ സഹായമില്ലാതെ കഴിക്കാൻ ഏറ്റവും ക്രിസ്പും ടേസ്റ്റിയുമായ ഉള്ളി ദോശ തയ്യാർ!