ആവശ്യ സാധനങ്ങൾ:

മട്ടൺ (കഴുകി വൃത്തിയാക്കി ചെറുതായി മുറിച്ചത്‌) – 1 കിലോ

സവാള (നാലായി മുറിച്ചത്‌)- 2 കപ്പ്‌

ഉരുളക്കിഴങ്ങ്‌ (നാലായി മുറിച്ചത്‌) – 2 കപ്പ്‌

ഇഞ്ചി – ചെറിയ കഷണം

പച്ചമുളക്‌ – 10 എണ്ണം

തേങ്ങ – 1(പിഴിഞ്ഞ്‌ ഒന്നും രണ്ടും പാലെടുക്കുക)

മഞ്ഞൾപ്പൊടി – 1/4 ടീ സ്‌പൂൺ

കുരുമുളകുപൊടി – 1ടീ സ്‌പൂൺ

അരിപ്പൊടി – 2 ടീ സ്‌പൂൺ

വെളിച്ചെണ്ണ- പാകത്തിന്‌

വറ്റൽമുളക്‌ – 3 എണ്ണം

കടുക്‌ – 1 ടീസ്‌പൂൺ

ഉപ്പ്‌ – പാകത്തിന്‌

ഉണ്ടാക്കുന്ന വിധം:

പച്ചമുളക്‌, ഇഞ്ചി എന്നിവ ഒരുമിച്ച്‌ ചതച്ച്‌ ഇറച്ചി, ഉരുളക്കിഴങ്ങ്‌, സവാള എന്നിവയോടൊപ്പം പാകത്തിന്‌ ഉപ്പും വെള്ളവും ഒഴിച്ച്‌ വേവിക്കുക. വെള്ളം വറ്റുമ്പോൾ ഇറക്കി വച്ച്‌ രണ്ടാംപാൽ ഒഴിക്കുക. ചീനച്ചട്ടി അടുപ്പിൽ എണ്ണയൊഴിച്ചു കടുകുപൊട്ടിച്ച്‌ വറ്റൽ മുളക്‌ ചേർത്തു വഴറ്റുക. ഇതിലേക്ക്‌ ഇറച്ചിയിട്ട്‌ കുരുമുളകുപൊടി, മഞ്ഞൾപ്പൊടി എന്നിവ ചേർത്തിളക്കുക. രണ്ടാം പാൽ വറ്റുമ്പോൾ ഒന്നാം പാലിൽ അരിപ്പൊടി കലക്കി ഇറച്ചിയിൽ ചേർത്തിളക്കുക. ചൂടോടെ വിളമ്പാം