എളുപ്പം തയ്യാറാക്കാം മൊട്ടീച്ചൂർ ലഡു

ആവശ്യമായ സാധനങ്ങള്‍

1.വെള്ളക്കടല – ഒരു കപ്പ്
2.എണ്ണ – വറുക്കാൻ ആവശ്യത്തിന്
3.പഞ്ചസാര – ഒരു കപ്പ്
വെള്ളം – ഒരു കപ്പ്
4.ഏലയ്ക്കാപ്പൊടി – അര ചെറിയ സ്പൂൺ
ഓറഞ്ച് ഫൂഡ് കളർ – ഒരു നുള്ള്
5.നെയ്യ് – ഒരു ചെറിയ സ്പൂൺ

പാകം ചെയ്യുന്ന വിധം

∙വെള്ളക്കടല നാലു മണിക്കൂർ വെള്ളത്തിൽ കുതിർത്തു വയ്ക്കുക.
∙ഇത് ചെറിയ പകോഡ പോലെ വറുത്തു കോരുക.
∙ഇത് തണുത്തു കഴിയുമ്പോൾ പൊടിച്ചു വയ്ക്കണം.
∙ഒരു പാനിൽ പഞ്ചസാരയും വെള്ളവും ചേർത്തു തിളപ്പിക്കണം.
∙തിളച്ചു തുടങ്ങുമ്പോൾ നാലാമത്തെ ചേരുവ ചേർക്കുക.
∙ഇതിലേക്കു പൊടിച്ചു വച്ചിരിക്കുന്ന വെള്ളക്കടല ചേർത്തു നന്നായി ഇളക്കി യോജിപ്പിക്കുക. തീ അണച്ച് 15 മിനിറ്റ് മൂടി വയ്ക്കണം.
∙ഇതിൽ നെയ്യ് ചേർത്തു നന്നായി യോജിപ്പിച്ച് ചെറിയ ഉരുളകളാക്കി വിളമ്പാം.