മത്തി  – അരക്കിലോ

ഇഞ്ചി , വെളുത്തുള്ളി, ചെറുതായി അരിഞ്ഞത് – ഒന്നര ടേബിൾ സ്പൂൺ വീതം

ചുവന്നുള്ളി – 10 എണ്ണം ചെറുതായി അരിഞ്ഞത്.

വെളിച്ചെണ്ണ – 4 ടേബിൾ സ്പൂൺ

പച്ചമുളക്- 2 എണ്ണം

തക്കാളി -ഒരെണ്ണം

മുളക് പൊടി – 2 ടേബിൾ സ്പൂൺ

മല്ലിപൊടി – 2 ടേബിൾ സ്പൂൺ

മഞ്ഞൾ പൊടി – അര ടീ സ്പൂൺ

ഉലുവ- കാൽ ടീ സ്പൂൺ

കുരുമുളക് പൊടി – അര ടീ സ്പൂൺ

വാളൻ പുളി –രണ്ടു നെല്ലിക്ക വലുപ്പത്തിൽ എടുത്ത് വെള്ളത്തിൽ ഇട്ടു വച്ച് പിഴിഞ്ഞെടുക്കണം

ഉപ്പു,കറിവേപ്പില – ആവശ്യത്തിന്.

ഉണ്ടാക്കേണ്ട വിധം

ആദ്യം മത്തി കഴുകി വൃത്തിയാക്കി കഷ്ണങ്ങളാക്കി വയ്ക്കുക.
ഇനി ഒരു പാത്രം അടുപ്പിൽ വച്ച് ചൂടായതിനു ശേഷം(മൺചട്ടിയെങ്കിൽ അത്രയും നല്ലത്) 3 ടേബിൾ സ്പൂൺ വെളിച്ചെണ്ണ ഒഴിക്കണം..ഇനി ചൂടായ എണ്ണയിലേക്ക് ഇഞ്ചി ,വെളുത്തുള്ളി ഇവ ചേർത്ത് വഴറ്റണം..ഇതിന്റെ നിറം മാറാൻ തുടങ്ങുമ്പോൾ അരിഞ്ഞു വച്ചിരിക്കുന്ന ചുവന്നുള്ളി ചേർത്ത് വഴറ്റണം.ഇനി ഇതിലേക് തക്കാളിയും പച്ചമുളകും കറിവേപ്പിലയും ചേർത്ത് വഴറ്റുക..തക്കാളി വാടി വരുമ്പോൾ തീ സിം ഇൽ ആക്കിയിട്ട് പൊടികളെല്ലാം ചേർത്ത് ചെറുതായി ഒന്ന് മൂപ്പിക്കണം..പൊടികൾ മൂത്ത മണം വന്നു തുടങ്ങുമ്പോൾ പുളിപിഴിഞ്ഞതും ഉപ്പും ആവശ്യത്തിന് വെള്ളവും ചേർത്ത് തിളപ്പികുക.ഇനി ഇതിലേക്ക് കഴുകി വൃത്തിയാക്കി വച്ചിരിക്കുന്ന മീൻ ചേർക്കാം. മീൻ അതിൽ കിടന്നു വെന്തു കഴിഞ്ഞു വെള്ളം ചെറുതായി പറ്റിതുടങ്ങും.അധികം പറ്റിക്കരുത്,,അതിനു മുന്നേ ഒരു ടേബിൾ സ്പൂൺ കൂടി വെളിച്ചെണ്ണ മേലെ തൂകി ചട്ടി ഒന്ന് കറക്കിയെടുത്ത് അടുപ്പിൽ നിന്നും വാങ്ങണം.സ്വാദിഷ്ടമായ നാടൻ മത്തിക്കറി തയ്യാർ