അവശ്യ ചേരുവകൾ

ഇഡ്ഡലി മാവ് – 1 കപ്പ്
പൊട്ടുകടല – 1 കപ്പ്
മുളകുപൊടി – 1/2 ടേബിൾസ്പൂൺ
ഉപ്പ് – ആവശ്യത്തിന്
ജീരകപ്പൊടി – 1/4 ടീസ്പൂൺ
കായപ്പൊടി – 1/4 ടീസ്പൂൺ
എണ്ണ -2 ടേബിൾ സ്പൂൺ

തയാറാക്കുന്ന വിധം

പൊട്ടുകടല മിക്സിയുടെ ജാറിലേക്കിട്ട് നന്നായി പൊടിച്ച് എടുക്കണം. ഒട്ടും തരികളില്ലാതെ വേണം പൊടിച്ച് എടുക്കാൻ. ഇനി ഒരു പാത്രത്തിൽ ഇഡ്ഡലി മാവ് എടുക്കുക. അധികം പുളിക്കാത്ത മാവാണ് ഇതിനു നല്ലത്. ഇതിലേക്ക് പൊട്ടു കടല പൊടിച്ചത് ചേർക്കുക. ശേഷം മാവിലേക്ക് എരുവിന് ആവശ്യമായ മുളകുപൊടി, ഉപ്പ്, ജീരകപ്പൊടി, കായപ്പൊടി എന്നിവ ചേർക്കുക. ഇതിലേക്ക് 2 ടേബിൾ സ്പൂൺ ഓയിൽ ചേർത്തു കൊടുക്കുക. ശേഷം ഇത് നന്നായി യോജിപ്പിക്കുക. ശേഷം കൈ വച്ച് നന്നായി കുഴച്ചെടുക്കുക. ചപ്പാത്തിക്കു കുഴയ്ക്കുന്ന പരുവത്തിൽ മയത്തിൽ കുഴച്ചെടുക്കാം.

ഇനി സേവനാഴിയിലേക്കു പക്കവാടയുടെ അച്ച് ഇട്ട് കൊടുത്തു മാവ് നിറയ്ക്കുക. ഇനി ചൂടായ എണ്ണയിലേക്ക് ഇത് പിഴിഞ്ഞു കൊടുക്കാം. ഇനി ഇത് നന്നായി എല്ലാ വശങ്ങളും വേകണം. അതിന് ഇടയ്ക്കിടയ്ക്ക് തിരിച്ചും മറിച്ചും ഇട്ട് വേവിക്കുക. ചെറിയ ബ്രൗൺ കളറാകുന്നതു വരെ വേവിക്കുക.