ആവശ്യമായ സാധനങ്ങൾ

ഗോതമ്പ് മാവ്
ജീരകം
ഉപ്പ്
ഇഞ്ചി
പച്ചമുളക്
മല്ലിയില
1/2 കപ്പ് തേങ്ങ ചിരകിയത്
1 കപ്പ് ചെറുപയർ മാവ്

ഉണ്ടാക്കുന്ന വിധം

മുളപ്പിച്ച ചെറുപയർ മിക്സിയുടെ ഒരു ജാറിലേയ്ക്ക് ഇടുക. ഇതിൽ പച്ച മുളക്, ഇഞ്ചി എന്നിവ കൂടെ ചേർത്ത് നന്നായി അരച്ചെടുക്കുക. ചെറുപയർ അരച്ചത് ഒരു പാത്രത്തിലേക്ക് എടുക്കുക. ഇതിലേയ്ക്ക് ആവശ്യത്തിന് ഗോതമ്പ് പൊടി, മല്ലിയില, തേങ്ങാ ചിരകിയത്, ജീരകം, ഉപ്പ് എന്നിവ കൂടെ ചേർക്കുക. എല്ലാം കൂടെ നന്നായി ചേർത്ത് ഇളക്കുക. കുറച്ച് വെള്ളം ചേർത്തിളക്കുക. അട ചുട്ടെടുക്കാനുള്ള പരുവത്തിലാക്കി എടുക്കണം. വെള്ളം ഒഴിച്ച് മാവ് ഒരുപാട് ലൂസ് ആക്കരുത്.

ഇനി ഒരു പാൻ ചൂടാക്കി എണ്ണ തേച്ച ശേഷം മാവിൽ നിന്ന് അല്പമെടുത്ത് പാനിൽ വെച്ച് കൈകൾ ഉപയോഗിച്ച് പരത്തിക്കൊടുക്കുക. ഇടത്തരം തീയിൽ ചപ്പാത്തി രണ്ട് വശവും പാകം ചെയ്തെടുക്കുക. ആരോഗ്യകരമായ ഈ ചെറുപയർ ചപ്പാത്തി റെഡി.