ചേരുവകൾ

ജാമുന് വേണ്ടി

    മിൽക്ക് പൗഡർ – 1 കപ്പ്

    മൈദ – 3 ടേബിൾസ്പൂൺ

    ബേക്കിംഗ് സോഡ – 1 നുള്ള്

    നെയ്യ് – 1 ടേബിൾസ്പൂൺ

    പാൽ – ആവശ്യത്തിന്

    എണ്ണ – വറുക്കാൻ

പഞ്ചസാര പാനിക്ക്

    പഞ്ചസാര – 1½ കപ്പ്

    വെള്ളം – 1½ കപ്പ്

    ഏലക്ക – 3 എണ്ണം

    റോസ് വാട്ടർ – 1 ടീസ്പൂൺ

    കുങ്കുമപ്പൂവ് – കുറച്ച്, optional

തയ്യാറാക്കുന്ന വിധം

    പഞ്ചസാരയും വെള്ളവും ചേർത്ത് 5–7 മിനിറ്റ് തിളപ്പിക്കുക. ഏലക്കയും കുങ്കുമപ്പൂവും ചേർക്കുക. അവസാനം റോസ് വാട്ടർ ചേർത്ത് തീ ഓഫ് ചെയ്യുക.

    ഒരു പാത്രത്തിൽ മിൽക്ക് പൗഡർ, മൈദ, ബേക്കിംഗ് സോഡ എന്നിവ ചേർക്കുക.

    നെയ്യ് ചേർത്ത് കൈകൊണ്ട് നന്നായി മിക്സ് ചെയ്യുക.

    പാൽ അൽപാൽപമായി ചേർത്ത് മൃദുവായ മാവ് തയ്യാറാക്കുക. അധികം കുഴയ്ക്കരുത്.

    ചെറിയ ഉരുളകളാക്കി വിള്ളലുകളില്ലാത്ത രീതിയിൽ മിനുസപ്പെടുത്തുക.

    എണ്ണ മീഡിയം-ലോ ചൂടിൽ എത്തിച്ച് ജാമുൻ ഉരുളകൾ പതുക്കെ വറുക്കുക. എല്ലാ വശവും ഒരേപോലെ ബ്രൗൺ നിറമാകണം.

    ചൂടുള്ള ജാമുൻ 5 മിനിറ്റ് തണുപ്പിച്ച ശേഷം ഇളം ചൂടുള്ള പഞ്ചസാര പാനിയിൽ ഇടുക.

    കുറഞ്ഞത് 2–3 മണിക്കൂർ പാനിയിൽ കുതിർന്നാൽ ജാമുൻ ഉള്ളിലേക്കും സിറപ്പ് നന്നായി ഇറങ്ങും.