വെറൈറ്റി രുചിക്കൂട്ടിൽ ഗ്രീൻപീസ് കറി

വെറൈറ്റി രുചിക്കൂട്ടിൽ ഗ്രീൻപീസ് കറി ഉണ്ടാക്കി നോക്കാം.
ഗ്രീൻപീസ് കഴുകി വൃത്തിയാക്കി ഉപ്പും മഞ്ഞപൊടിയും ആവശ്യത്തിന് വെള്ളവും ചേർത്ത് കുക്കറിൽ വേവിച്ചെടുക്കാം. മറ്റൊരു ചീനച്ചട്ടിയിൽ ആവശ്യത്തിന് വെളിച്ചെണ്ണ ചേർത്ത് രണ്ട് ഏലക്കായും കറുവപ്പട്ടയും ഒരു ടീസ്പൂണ്‍ പെരുംജീരകവും ചെറുതായി അരിഞ്ഞ സവാളയും പച്ചമുളക് കീറിയതും ചേർത്ത് നന്നായി വഴറ്റാം. 

നന്നായി വഴന്ന് വരുമ്പോൾ തക്കാളി അരിഞ്ഞത് ചേർക്കാം. ശേഷം ഒരു ടീസ്പൂൺ മല്ലിപ്പൊടിയും കുരുമുളക്പൊടിയും ഗരംമസാലയും ചേര്‍ത്ത് നന്നായി ഇളക്കാം. അതിലേക്ക് വേവിച്ച ഗ്രീൻപീസും പുഴുങ്ങി കഷ്ണങ്ങളാക്കിയ കിഴങ്ങും ചേർത്ത് നന്നായി വഴറ്റിയെടുക്കാം. മറ്റൊരു പാനിൽ വെളിച്ചെണ്ണ ഒഴിച്ച് വെളുത്തുള്ളിയും കടുകും വറ്റൽമുളകും കറിവേപ്പിലയും ഇത്തിരി കായപ്പൊടിയും വഴറ്റി ഗ്രീൻപീസ് കറിയിലേക്ക് ചേർക്കാം. നല്ല രുചിയൂറും സ്പെഷല്‍ കറി റെഡി.