ഔഷധഗുണങ്ങളുളളതും പോഷക സമൃദ്ധവുമാണ് റംബുട്ടാൻ. വിറ്റാമിൻ, കാർബോഹൈഡ്രേറ്റ്, പ്രോട്ടീൻ എന്നിവ ധാരാളം അടങ്ങിയതുകൊണ്ട് ശരീരത്തിന് ധാരാളം ഊർജം നൽകുന്ന പഴമാണിത്. റംബുട്ടാൻ പഴം ഉപയോഗിച്ച് രുചികരമായ ഷെയ്ക്ക് എങ്ങനെ തയാറാക്കാമെന്നു നോക്കാം.

ചേരുവകൾ

റംബുട്ടാൻ പഴം – ഒരു കപ്പ് (പുറംതോടും ഉള്ളിലെ കായും കളഞ്ഞ് എടുത്തത്)
ഐസ് ക്യൂബ്സ് – ഒരു കപ്പ്
പഞ്ചസാര – 2 ടേബിൾ സ്പൂൺ
പാൽ – ഒരു ഗ്ലാസ്
വെള്ളം – ഒരു ഗ്ലാസ്
തയാറാക്കുന്ന വിധം

ചേരുവകൾ എല്ലാം മിക്സിയിലിട്ട് നന്നായി അടിച്ചെടുത്താൽ രുചികരമായ റംബുട്ടാൻ ഷെയ്ക്ക് റെഡി. റംബുട്ടാൻ പഴം കൊച്ചു കുട്ടികൾക്ക് ഉള്ളിലെ കായ് നീക്കം ചെയ്തുവേണം കൊടുക്കാൻ.