അവശ്യ സാധനങ്ങൾ

അരിപ്പൊടി -ഒരു കപ്പ്
കടലമാവ് – രണ്ടു സ്പൂൺ
ഗോതമ്പ് പൊടി – 1/4 കപ്പ്
ബേക്കിംഗ് സോഡാ – 1/4 ടീസ്പൂൺ
വെള്ളം – ആവശ്യത്തിന്
കോൺഫ്ലവർ – 2 ടേബിൾസ്പൂൺ
ഉപ്പ് – ആവശ്യത്തിന്
മുളകുപൊടി – 1/2 ടീസ്പൂൺ
ചാറ്റ് മസാല -1/2 ടീസ്പൂൺ
ഗരം മസാല -1/2 ടീസ്പൂൺ
പൊടിച്ച പഞ്ചസാര – 1 ടീസ്പൂൺ
ബട്ടർ – 1 1/2 ടീസ്പൂൺ

തയ്യാറാക്കുന്ന വിധം

ആദ്യം ഒരു പാത്രമെടുത്ത് അതിലേക്ക് അരിപ്പൊടി, ഗോതമ്പുപൊടി, കടലമാവ്, ബേക്കിംഗ് സോഡ എന്നിവ ചേർത്ത് രണ്ട് കപ്പ് വെള്ളവും കൂടിയൊഴിച്ച് ഇളക്കി മാവു പരിവം ആക്കുക. ഇത് കുറച്ചുനേരം മാറ്റിവയ്ക്കാം.

ചൂടായ പാനിലേക്ക് കലക്കി വച്ച മാവൊഴിച്ച് ചെറിയ തീയിൽ ഇളക്കി നന്നായി കുറുക്കിയെടുക്കുക. അതിലേക്ക് ബട്ടർ ചേർക്കുക. ബട്ടർ നന്നായി മിക്സ് ചെയ്ത് കട്ടിയാകുന്നത് വരെ ചെറിയ തീയിൽ ഇട്ട് യോജിപ്പിക്കുക. കട്ടി ആയതിനു ശേഷം ഓഫ് ചെയ്ത് 5 മിനിറ്റ് അടച്ചു മാറ്റിവയ്ക്കുക. അതിലേക്ക് കോൺഫ്ലവർ ചേർക്കുക. നന്നായി കുഴച്ചു എടുക്കുക. ചെറു ഉരുളകളാക്കി വെച്ച് നീളത്തിൽ പരത്തുക. ഇനി ചൂടായ എണ്ണയിലേക്ക് ഇത് ഇട്ട് നന്നായി വറുത്തെടുക്കുക.

ഒരു ഗോൾഡൻ ബ്രൗൺ നിറം ആകുമ്പോൾ കോരി മാറ്റാവുന്നതാണ് . ഇനി ഇതിലേക്ക് മുളകുപൊടി, ഗരംമസാല, ചാട്ട് മസാല, ഉപ്പ് എന്നിവ ചേർത്ത് പഞ്ചസാര പൊടിച്ചതും കൂടി ചേർത്ത് നന്നായി മിക്സ് ചെയ്യുക. സ്വാദിഷ്ടമായ കുർകുറെ തയ്യാർ.