പഴുത്ത നേന്ത്രപ്പഴം ഉപയോഗിച്ച് അട
ചേരുവകൾ

    നേന്ത്രപ്പഴം- 2
    ഗോതമ്പ് പൊടി- 1 കപ്പ്
    തേങ്ങ- 1 കപ്പ്
    ജീരകപ്പൊടി- 1/2 ടീസ്പൂൺ
    പഞ്ചസാര- 2 ടീസ്പൂൺ
    എണ്ണ- ആവശ്യത്തിന്
    എണ്ണ അല്ലെങ്കിൽ നെയ്യ്- ആവശ്യത്തിന്

തയ്യാറാക്കുന്ന വിധം

    നന്നായി പഴുത്ത നേന്ത്രപ്പഴം തൊലി കളഞ്ഞെടുക്കാം.
    അത് ഉടച്ച് ഒരു ബൗളിലേയ്ക്കു മാറ്റാം.
    ഇതിലേയ്ക്ക് ഒരു കപ്പ് ഗോതമ്പ് പൊടിയും ഒരു കപ്പ് തേങ്ങ ചിരകിയതും ചേർക്കാം.
    അര ടീസ്പൂൺ ജീരകപ്പൊടിയും, രണ്ട് ടീസ്പൂൺ പഞ്ചസാരയും അതിലേയ്ക്ക് കുറച്ച് നെയ്യും ഒഴിച്ച് മാവ് കുഴയ്ക്കാം.
    ദോശക്കല്ല് അടുപ്പിൽ വച്ച് മാവിൽ നിന്നും ആവശ്യത്തിന് അതിലേയ്ക്കു വച്ച് അടയുടെ രൂപത്തിൽ പരത്താം.
    മുകളിൽ കുറച്ച് നെയ്യോ അല്ലെങ്കിൽ എണ്ണയോ ഒഴിക്കാം.
    ഇരുവശങ്ങളും വേവിച്ചെടുത്ത് ചൂടോടെ തന്നെ കഴിക്കൂ.