ആവശ്യമായ സാധനങ്ങൾ
ചേന – 500 ഗ്രാം
ചെറിയുള്ളി – 8 എണ്ണം (അരിഞ്ഞത്)
വെളുത്തുള്ളി – 5
പച്ചമുളക് – 2 എണ്ണം
കറിവേപ്പില – 2 തണ്ട്
മുളകുപൊടി – 1 ടീസ്പൂൺ
മഞ്ഞൾപ്പൊടി – ¼ ടീസ്പൂൺ
കുരുമുളകുപൊടി – ½ ടീസ്പൂൺ
കടുക് – ½ ടീസ്പൂൺ
ഉപ്പ് – ആവശ്യത്തിന്
വെളിച്ചെണ്ണ – 3 ടേബിൾസ്പൂൺ
തയ്യാറാക്കുന്ന വിധം
ചേന തൊലി കളഞ്ഞ് ചെറിയ ക്യൂബ് രൂപത്തിൽ അരിയുക.
ഉപ്പും മഞ്ഞളും ചേർത്ത് ചേന വേവിച്ചെടുക്കുക. അധികം മൃദുവാകാതെ നോക്കണം.
ഒരു ചീനച്ചട്ടിയിൽ വെളിച്ചെണ്ണ ചൂടാക്കി കടുക് പൊട്ടിക്കുക.
ശേഷം ചെറിയുള്ളി, വെളുത്തുള്ളി, പച്ചമുളക്, കറിവേപ്പില എന്നിവ ചേർത്ത് വഴറ്റുക.
മുളകുപൊടി, മഞ്ഞൾപ്പൊടി, കുരുമുളകുപൊടി ചേർത്ത് നന്നായി ഇളക്കുക.
വേവിച്ച ചേന ചേർത്ത് മസാല നന്നായി പിടിപ്പിക്കുക.
ചെറുതീയിൽ ഇളക്കിക്കൊണ്ട് അല്പം റോസ്റ്റ് ആയാൽ അടുപ്പിൽ നിന്ന് ഇറക്കാം.
അവസാനം കുറച്ച് വെളിച്ചെണ്ണ മുകളിൽ ഒഴിച്ചാൽ രുചി കൂടും