ചീര പരിപ്പ് കറി; ചപ്പാത്തിക്കൊപ്പം കഴിക്കാവുന്ന പോഷകസമൃദ്ധമായ വിഭവം

 ചേരുവകൾ:

- ചെറുപയർ പരിപ്പ് അല്ലെങ്കിൽ തുവരപ്പരിപ്പ് – ½ കപ്പ്
- ചീര – 2 കപ്പ് അരിഞ്ഞത്
- സവാള – 1 ചെറുത്
- തക്കാളി – 1 എണ്ണം
- വെളുത്തുള്ളി – 2 അല്ലി
- മഞ്ഞൾപ്പൊടി – ¼ ടീസ്പൂൺ
- ജീരകം – ½ ടീസ്പൂൺ
- എണ്ണ – 1 ടീസ്പൂൺ
- ഉപ്പ് – ആവശ്യത്തിന്

തയ്യാറാക്കുന്ന വിധം:

പരിപ്പ് കഴുകി ആവശ്യത്തിന് വെള്ളവും മഞ്ഞൾപ്പൊടിയും ചേർത്ത് മൃദുവാകുന്നതുവരെ വേവിക്കുക. മറ്റൊരു പാനിൽ എണ്ണ ചൂടാക്കി ജീരകം, വെളുത്തുള്ളി, സവാള എന്നിവ വഴറ്റുക. സവാള മൃദുവാകുമ്പോൾ തക്കാളിയും അരിഞ്ഞ ചീരയും ചേർത്ത് വേവിക്കുക.

ചീര വെന്തുകഴിഞ്ഞാൽ വേവിച്ച പരിപ്പ് ചേർത്ത് ആവശ്യത്തിന് വെള്ളവും ഉപ്പും ചേർക്കുക. അഞ്ചുമുതൽ ഏഴുമിനിറ്റ് വരെ ചെറിയ തീയിൽ തിളപ്പിച്ചശേഷം ഇറക്കിവയ്ക്കാം. ഗോതമ്പ് ചപ്പാത്തിയോ ചെറിയ അളവിൽ ചോറോ കൂടെ വിളമ്പാം.