നീണ്ട പരാജയങ്ങൾക്കും സിനിമകളുടെ ബോക്സ് ഓഫീസ് തകർച്ചകൾക്കും ഒടുവിൽ സൂര്യ വൻ തിരിച്ചുവരവ് നടത്തിയ സിനിമയാണ് കറുപ്പ്. ആർ.ജെ ബാലാജി സംവിധാനം ചെയ്ത ചിത്രത്തിൽ തൃഷ കൃഷ്ണനാണ് നായികയായെത്തിയത്. കറുപ്പിൻറെ ബോക്സോഫീസ് കുതിപ്പ് തുടരുന്നതിനിടെ സൂര്യയുടെ പുതിയ ചിത്രം വിശ്വനാഥ് ആൻറ് സൺസിൻറെ റിലീസ് തിയതി പ്രഖ്യാപിച്ചിരിക്കുകയാണ്. ആഗസ്റ്റ് 14ന് ചിത്രം തിയേറ്ററുകളിലെത്തും.

വെങ്കി അറ്റ്ലൂരിയാണ് സിനിമ സംവിധാനം ചെയ്തിരിക്കുന്നത്. സിത്താര എൻറർടെയ്ൻമെൻസിൻറെയും ഫോർച്യൂൺ ഫോർ സിനിമാസിൻറെയും ബാനറിൽ സൂര്യദേവര നാഗ വംശിയും സായ് സൗജന്യയും ചേർന്നാണ് ചിത്രം നിർമ്മിച്ചിരിക്കുന്നത്. ജി.വി. പ്രകാശാണ് സംഗീത സംവിധാനം നിർവഹിച്ചിരിക്കുന്നത്. സൂര്യയെ കൂടാതെ മമിത ബൈജു, രാധിക ശരത്കുമാർ, രവീണ ടണ്ടൻ എന്നിവർ സിനിമയിൽ പ്രധാന കഥാപാത്രങ്ങളെ അവതരിപ്പിക്കുന്നു.