'വാത്തി' ചിത്രത്തിലെ പുതിയ ഗാനം പുറത്തിറങ്ങി
ധനുഷ് അഭിനയിച്ച വാത്തി/സാർ 17ന് പ്രദർശനത്തിന് എത്തി. വാത്തിയുടെ തമിഴ്‌നാട്ടിലെ തിയറ്റർ അവകാശം സെവൻ സ്‌ക്രീൻ സ്റ്റുഡിയോ സ്വന്തമാക്കിയിരുന്നു. മികച്ച വിജയം നേടി മുന്നേറുന്ന സിനിമയിലെ പുതിയ ഗാനം റിലീസ് ചെയ്തു.
സിത്താര എന്റർടൈൻമെന്റ്‌സും ഫോർച്യൂൺ ഫോർ സിനിമാസും ചേർന്ന് നിർമ്മിച്ച ഈ തമിഴ്-തെലുങ്ക് ദ്വിഭാഷാ ചിത്രം രചനയും സംവിധാനവും നിർവ്വഹിച്ചിരിക്കുന്നത് വെങ്കി അറ്റ്‌ലൂരിയാണ്. 90കളുടെ പശ്ചാത്തലത്തിൽ, ബാലമുരുകൻ എന്ന ജൂനിയർ സ്കൂൾ അധ്യാപകനായി ധനുഷ് അഭിനയിക്കുന്നു, നായികയായി സംയുക്ത മേനോൻ. സായ് കുമാർ, തനിക്കെല്ല ഭരണി, സമുദ്രക്കനി, തോട്ടപ്പള്ളി മധു, ആടുകളം നരേൻ, ഇളവരശു എന്നിവരും വാതിയിൽ അഭിനയിക്കുന്നു. ഛായാഗ്രാഹകൻ ജെ യുവരാജ്, സംഗീതസംവിധായകൻ ജിവി പ്രകാശ് എന്നിവരടങ്ങുന്നതാണ് ചിത്രത്തിന്റെ ടെക്നിക്കൽ ക്രൂ.