യുണൈറ്റഡ് കിങ്ഡം ഓഫ് കേരള നാളെ തീയേറ്ററുകളിൽ; ടിക്കറ്റ് ബുക്കിങ് ആരംഭിച്ചു
രഞ്ജിത്ത് സജീവ്, ജോണി ആന്റണി, സാരംഗി ശ്യാം എന്നിവരെ പ്രധാനകഥാപാത്രങ്ങളാക്കി അരുണ് വൈഗ തിരക്കഥയെഴുതി സംവിധാനം ചെയ്യുന്ന 'യുണൈറ്റഡ് കിങ്ഡം ഓഫ് കേരള' (യുകെഒകെ) വെള്ളിയാഴ്ച പ്രദര്ശനത്തിനെത്തും. ചിത്രത്തിന്റെ ടിക്കറ്റ് ബുക്കിങ് ആരംഭിച്ചു. എല്ലാസിനിമ ടിക്കറ്റ് ബുക്കിങ് ആപ്ലിക്കേഷനുകളിലും ടിക്കറ്റ് ലഭ്യമാണ്.
ഇന്ദ്രന്സ്, മനോജ് കെ. ജയന്, അല്ഫോന്സ് പുത്രന്, ഡോ. റോണി, മനോജ് കെ.യു, സംഗീത, മീര വാസുദേവ്, മഞ്ജു പിള്ള തുടങ്ങി നിരവധി പ്രമുഖ താരങ്ങളും ഒരുപാട് പുതുമുഖങ്ങളും ചിത്രത്തില് അണിനിരക്കുന്നു. മൈക്ക്, ഖല്ബ്, ഗോളം എന്നീ ചിത്രങ്ങള്ക്ക് ശേഷം രഞ്ജിത്ത് സജീവ് നായകകഥാപാത്രത്തെ അവതരിപ്പിക്കുന്ന ചിത്രമാണിത്.
ഫ്രാഗ്രന്റ് നേച്ചര് ഫിലിംസ്, പൂയപ്പള്ളി ഫിലിംസ് എന്നീ ബാനറുകളില് ആന്, സജീവ്, അലക്സാണ്ടര് മാത്യു എന്നിവര് ചേര്ന്ന് നിര്മിക്കുന്ന ഈ ചിത്രത്തിന്റെ ഛായാഗ്രാഹണം സിനോജ് പി. അയ്യപ്പന് നിര്വഹിക്കുന്നു. നടന് ശബരീഷ് വര്മ എഴുതിയ മനോഹര വരികള്ക്ക് നേരം, പ്രേമം പോലുള്ള സൂപ്പര്ഹിറ്റ് ചിത്രങ്ങള്ക്ക് സംഗീതം പകര്ന്ന രാജേഷ് മുരുകേശന് ഈണം പകരുന്നു.
എഡിറ്റര്: അരുണ് വൈഗ, ലൈന് പ്രൊഡ്യൂസര്: ഹാരിസ് ദേശം, പ്രൊഡക്ഷന് കണ്ട്രോളര്: റിനി ദിവാകര്, കല: സുനില് കുമരന്, മേക്കപ്പ്: ഹസ്സന് വണ്ടൂര്, വസ്ത്രാലങ്കാരം: മെല്വി ജെ, പ്രൊഡക്ഷന് എക്സിക്യൂട്ടീവ്: വിനോഷ് കൈമള്, ചീഫ് അസോസിയേറ്റ് ഡയറക്ടര്: കിരണ് റാഫേല്, സ്റ്റില്സ്: ബിജിത്ത് ധര്മ്മടം, ഡിസൈന്സ്: യെല്ലോ ടൂത്ത്സ്, അഡ്വര്ടൈസിങ്: ബ്രിങ് ഫോര്ത്ത്, വിതരണം: സെഞ്ച്വറി റിലീസ്, പിആര്ഒ: എ.എസ്. ദിനേശ്, അരുണ് പൂക്കാടന്.