രാത്രി മൂന്ന് മണിക്ക് വിളിച്ച് കഞ്ചാവ് കിട്ടിയേ പറ്റൂവെന്ന് പറഞ്ഞ നടനാണ് ശ്രീനാഥ് ഭാസി;ആരോപണവുമായി നിര്മ്മാതാവ്
നമുക്ക് കോടതിയില് കാണാം എന്നുമാണ് ഹസീബ് മലബാര് ഫേസ്ബുക്കിലൂടെ വെളിപ്പെടുത്തിയത്
നടന് സ്ഥിരമായി വരാത്തതിനാല് ചിത്രീകരണവും ഡബ്ബിങ്ങും നീണ്ടുപോയെന്നും നിര്മ്മാതാവ് പറയുന്നു.
നടന് ശ്രീനാഥ് ഭാസി സിനിമാ സെറ്റില് നിരന്തരം ലഹരി ആവശ്യപ്പെട്ടിരുന്നുവെന്ന വെളിപ്പെടുത്തലുമായി നിര്മ്മാതാവ് ഹസീബ് മലബാര്. രാത്രി മൂന്ന് മണിക്ക് ഫോണില് വിളിച്ച് കഞ്ചാവ് കിട്ടിയേ പറ്റുകയുള്ളൂവെന്ന് പറഞ്ഞ നടനാണ് ശ്രീനാഥ് ഭാസിയെന്നും നമുക്ക് കോടതിയില് കാണാം എന്നുമാണ് ഹസീബ് മലബാര് ഫേസ്ബുക്കിലൂടെ വെളിപ്പെടുത്തിയത്. നടന് സ്ഥിരമായി വരാത്തതിനാല് ചിത്രീകരണവും ഡബ്ബിങ്ങും നീണ്ടുപോയെന്നും നിര്മ്മാതാവ് പറയുന്നു.
'കാരവന് ലഹരി പിടിച്ചെടുക്കാന് കഴിവുണ്ടെങ്കില് കേരളത്തില് ഏറ്റവും കൂടുതല് ആക്സിഡന്റ് ഉണ്ടാകുന്ന വണ്ടി ശ്രീനാഥ് ഭാസിയുടേത് ആയേനെ' എന്നും ഹസീബ് മലബാര് ആരോപിച്ചു. ലഹരി പരിശോധനയ്ക്കിടെ നടന് ഷൈന് ടോം ചാക്കോ ഹോട്ടല് മുറിയില് നിന്നും പൊലീസിനെ വെട്ടിച്ച് ഓടി രക്ഷപ്പെടുന്നതിന്റെ സിസിടിവി ദൃശ്യങ്ങള് പുറത്തുവന്നതിന് പിന്നാലെയാണ് ശ്രീനാഥ് ഭാസിക്കെതിരെയും ആരോപണം ഉയരുന്നത്.