രാമനായി വേദിയിലെത്താൻ ആശങ്ക ; വ്രതവും പ്രത്യേക ഭക്ഷണക്രമവുമായി രവി കിഷൻ  

 ഡൽഹിയിൽ നടക്കുന്ന അയോധ്യ കി രാംലീലയിൽ ശ്രീരാമനായി വേഷമിടുന്നതിന്റെ ഉത്തരവാദിത്തത്തെക്കുറിച്ച് നടനും എംപിയുമായ രവി കിഷൻ തുറന്നുപറഞ്ഞിരുന്നു. കഥാപാത്രത്തെ അവതരിപ്പിക്കുമ്പോൾ തെറ്റുകൾ സംഭവിക്കരുതെന്ന ചിന്ത തനിക്ക് സമ്മർദം സൃഷ്ടിക്കുന്നുണ്ടെന്നും അദ്ദേഹം വ്യക്തമാക്കിയതായി റിപ്പോർട്ടുകൾ പറയുന്നു.

ഒക്ടോബർ 19, 20 തീയതികളിലെ പരിപാടിക്കായി വ്രതവും പ്രത്യേക ഭക്ഷണക്രമവും പിന്തുടരുന്നതായും അദ്ദേഹം പറഞ്ഞിട്ടുണ്ട്. പരിചയസമ്പന്നനായ നടനായിട്ടും ഈ കഥാപാത്രത്തെ ഭക്തിയോടെയും സൂക്ഷ്മതയോടെയും സമീപിക്കുന്നതാണ് ശ്രദ്ധ നേടുന്നത്.