കമല്‍ ഹാസന്‍ തിരക്കഥയെഴുതി സംവിധാനം ചെയ്ത ചിത്രമാണ് 'ഹേ റാം'. 2000 ത്തില്‍ പുറത്തിറങ്ങിയ ചിത്രം ഇന്ന് ക്ലാസിക് ചിത്രമായി വിലയിരുത്തപ്പെടുന്നു. ഇപ്പോഴിതാ സിനിമയെ കുറിച്ച് ശ്രുതി ഹാസന്‍ പറഞ്ഞ വാക്കുകളാണ് ചര്‍ച്ചയാവുന്നത്. സിനിമ ഇറങ്ങിയ സമയത്ത് ആരും കാണാന്‍ ഉണ്ടായിരുന്നില്ലെന്നും, എന്നാല്‍ ഇന്ന് ആ ചിത്രത്തെ ക്ലാസിക് ആണെന്ന് പറയുന്നുന്നെന്നും ശ്രുതി ഹാസന്‍ പറയുന്നു.

'അച്ഛന്‍ സംവിധാനം ചെയ്ത ഹേ റാം അടുത്തിടെ തിയേറ്ററില്‍ നിന്നും കണ്ടു. ഓരോ ഫ്രയിമും അദ്ദേഹം ഒരുക്കിവച്ച രീതി അഭിനന്ദനം അര്‍ഹിക്കുന്നതാണ്. ഈ അടുത്ത സിനിമ റീ റിലീസ് ചെയ്തിരുന്നു. ക്യൂബ്‌സ് തിയേറ്ററില്‍ ആ സിനിമ കണ്ടപ്പോഴുണ്ടായ അനുഭവം വിവരിക്കാന്‍ വാക്കുകളില്ല. അത്രമാത്രം അത്ഭുതമാണ് എനിക്ക്. ഇന്ന് ആ സിനിമയെ പലരും വാനോളം പ്രശംസിക്കുന്നു. കമല്‍ സാര്‍ എങ്ങനെയാണ് ഗംഭീരമായി ഈ സിനിമ ചെയ്തത് എന്നാണ് പലരും ചോദിക്കുന്നത്. എന്നാല്‍ സിനിമ റിലീസായ സമയത് ആരും പ്രശംസിച്ചിട്ടില്ലായിരുന്നു.' ശ്രുതി ഹാസന്‍ പറയുന്നു.