മാളവിക ജയറാം വിവാഹിതയായി
ഈ വര്ഷം ജനുവരിയിലായിരുന്നു മാളവികയുടെയും നവനീത് ഗിരീഷിന്റെയും വിവാഹ നിശ്ചയ ചടങ്ങ് നടന്നത്.
May 3, 2024, 07:30 IST
നടന് ജയറാമിന്റെയും പാര്വ്വതിയുടെയും മകള് മാളവിക ജയറാം വിവാഹിതയായി. ഗുരുവായൂര് അമ്പലത്തില് ഇന്ന് രാവിലെയായിരുന്നു വിവാഹം. അടുത്ത ബന്ധുക്കള് മാത്രമാണ് വിവാഹത്തില് പങ്കെടുത്തത്. ഈ വര്ഷം ജനുവരിയിലായിരുന്നു മാളവികയുടെയും നവനീത് ഗിരീഷിന്റെയും വിവാഹ നിശ്ചയ ചടങ്ങ് നടന്നത്.
കൂര്ഗ് ജില്ലയിലെ മടിക്കേരിയിലെ ഒരു റിസോര്ട്ടില് വച്ചായിരുന്നു മാളവികയുടെ വിവാഹനിശ്ചയം. ചടങ്ങില് മാളവികയുടെയും നവനീതിന്റെയും കുടുംബാംഗങ്ങള് മാത്രമാണ് പങ്കെടുത്തത്. പാലക്കാട് സ്വദേശിയാണ് നവനീത് ഗിരീഷ്. യുകെയില് ചാര്ട്ടേഡ് അക്കൗണ്ടന്റ് ആയി ജോലി ചെയ്യുന്നു.