പൃഥ്വിരാജിനെ നായകനാക്കി ഖലീഫ ; വൈശാഖ് ചിത്രം അടുത്ത വര്ഷം തിയറ്ററിലെത്തും
ടര്ബോയ്ക്ക് ശേഷം അടുത്ത സിനിമയ്ക്കുള്ള തയ്യാറെടുപ്പിലാണ് വൈശാഖ്. പൃഥ്വിരാജിനെ നായകനാക്കി ഒരുക്കുന്ന ഖലീഫയുടെ പുതിയ വിശേഷങ്ങളാണ് എത്തുന്നത്. 2022 ല് പ്രഖ്യാപിച്ച ചിത്രത്തിന്റെ പോസ്റ്റ് പ്രൊഡക്ഷന് പുരോഗമിക്കുന്നതായാണെന്ന് പറയുകയാണ് വൈശാഖ്.
ഖലീഫയുടെ പണികള് നടന്നുകൊണ്ടിരിക്കുകയാണ്. ചിത്രത്തിന്റെ പ്രീ പ്രൊഡക്ഷന് വളരെ വേഗം തന്നെ തുടങ്ങിയിട്ടുണ്ട്. ആമിര് അലി എന്ന കഥാപാത്രമായാണ് പൃഥ്വിരാജ് എത്തുന്നതെന്നും സിനിമ എല്ലാ പ്രേക്ഷകര്ക്കും ഒരുപോലെ ഇഷ്ടപ്പെടുന്ന രീതിയിലാണ് നിര്മ്മിക്കുന്നതെന്നും അദ്ദേഹം പറഞ്ഞു.
ആക്ഷന്, റൊമാന്സ്, ഡ്രാമ, ത്രില്സ് എല്ലാം സിനിമയിലുണ്ട് പ്രീ പ്രൊഡക്ഷന് കൂടുതല് വേണ്ട സിനിമയാണിത്. യുകെ, യുഎഇ (ദുബൈ), നേപ്പാള്, ഇന്ത്യ എന്നിങ്ങനെ നാല് രാജ്യങ്ങളിലായാണ് കഥ നടക്കുന്നത്. ഈ രാജ്യങ്ങളില് ഷൂട്ടിനായുള്ള അനുമതികള് ശരിയായതിന് ശേഷമാകും ഷൂട്ടിംഗ് ആരംഭിക്കുക. അടുത്ത വര്ഷം തിയേറ്ററുകളില് സിനിമ എത്തിക്കണമെന്നാണ് പ്രതീക്ഷിക്കുന്നതെന്നും അദ്ദേഹം പറഞ്ഞു