കാട്ടാളന് മെയ് 14 ന് തിയേറ്ററുകളിലേക്ക്
ചിത്രത്തിന്റെ ആദ്യ ടീസര് ജനുവരി 16 ന് പുറത്ത് വരും.
മലയാള സിനിമയുടെ ചരിത്രത്തിലെ തന്നെ വമ്പന് റിലീസുകളില് ഒന്നായാണ് ചിത്രം എത്തുക
ക്യൂബ്സ് എന്റര്ടൈന്മെന്റ്സിന്റെ ബാനറില് ഷെരീഫ് മുഹമ്മദ് നിര്മ്മിക്കുന്ന ബ്രഹ്മാണ്ഡ ആക്ഷന് ത്രില്ലര് ചിത്രമായ കാട്ടാളന് മെയ് 14 ന് ലോകമെമ്പാടുമുള്ള തിയേറ്ററുകളിലെത്തും.
മലയാള സിനിമയുടെ ചരിത്രത്തിലെ തന്നെ വമ്പന് റിലീസുകളില് ഒന്നായാണ് ചിത്രം എത്തുക. ചിത്രത്തിന്റെ ആദ്യ ടീസര് ജനുവരി 16 ന് പുറത്ത് വരും. ചിത്രത്തിലെ ആദ്യ ദൃശ്യങ്ങളാണ് ഇതിലൂടെ പുറത്ത് വരുന്നതെന്നത് കൊണ്ട് തന്നെ, വലിയ ആവേശത്തോടെയും പ്രതീക്ഷയോടെയുമാണ് പ്രേക്ഷകര് ടീസര് കാത്തിരിക്കുന്നത്. ആന്റണി വര്ഗീസ് നായകനായ ചിത്രം നവാഗതനായ പോള് ജോര്ജ് ആണ് സംവിധാനം ചെയ്യുന്നത്. മലയാള സിനിമയുടെ ചരിത്രത്തിലെ തന്നെ ഏറ്റവും വലിയ ഓവര്സീസ് ഡീലുകളില് ഒന്ന് ചിത്രം സ്വന്തമാക്കിയിട്ടുണ്ട്.
ഷൂട്ടിംഗ് പൂര്ത്തിയാവുന്നതിന് മുമ്പ് തന്നെ മലയാള സിനിമയിലെ പ്രീ റിലീസ് ബിസിനസ്സ് റെക്കോര്ഡുകള് പലതും മാറ്റി എഴുതിയിട്ടുണ്ട് ചിത്രം എന്നാണ് റിപ്പോര്ട്ടുകള് സൂചിപ്പിക്കുന്നത്.