സിനിമാപ്രേമികൾ ഒന്നടങ്കം കാത്തിരിക്കുന്ന സിനിമയാണ് കാന്താര ചാപ്റ്റർ 1 . വമ്പൻ കാൻവാസിൽ ഒരു വിഷ്വൽ വിസ്മയം തന്നെയാകും സിനിമ എന്ന സൂചനയാണ് ട്രെയ്‌ലർ നൽകുന്നത്. ആദ്യം ഭാഗത്തേത് പോലെ തന്നെ മിത്തും ആക്ഷനും ത്രില്ലും എല്ലാം കൂടിക്കലർന്നാകും സിനിമ അവതരിപ്പിക്കുക. ഇപ്പോഴിതാ സിനിമയുടെ അഡ്വാൻസ് ബുക്കിംഗ് റിപ്പോർട്ട് പുറത്തുവരികയാണ്.

റിപ്പോർട്ടുകൾ പ്രകാരം കേരളത്തിൽ വലിയ മുന്നേറ്റമാണ് സിനിമ അഡ്വാൻസ് ബുക്കിങ്ങിൽ നടത്തുന്നത്. കണക്കുകൾ പ്രകാരം 1.72 കോടി രൂപയാണ് ചിത്രം കേരളത്തിൽ നിന്നും ഇതുവരെ നേടിയത്. മലയാളം, തമിഴ് പതിപ്പുകളാണ് പ്രധാനമായും കേരളത്തിൽ പുറത്തിറങ്ങുന്നത്. സിനിമയുടെ അഡ്വാൻസ് ബുക്കിങ്ങിൽ നിലവിൽ കേരളം രണ്ടാം സ്ഥാനത്താണ്. കർണാടകയിൽ നിന്ന് ചിത്രം ഇതുവരെ നേടിയത് 8.37 കോടിയാണ്. എന്നാൽ തമിഴ് നാട്ടിൽ നിന്നും 84 ലക്ഷം മാത്രമാണ് സിനിമയ്ക്ക് ഇതുവരെ നേടാനായത്. കേരളത്തിൽ വലിയ ഓപ്പണിങ് കാന്താര നേടുമെന്നാണ് കണക്കുകൂട്ടൽ. കന്നഡയിൽ- 1,317 ഹിന്ദി- 3703, തെലുങ്ക്- 43, തമിഴ്- 247, മലയാളം- 885 എന്നിങ്ങനെ 6,195 പ്രദർശനങ്ങളാണ് ഷെഡ്യൂൾ ചെയ്‍തിരിക്കുന്നത്.

മലയാളികളുടെ പ്രിയതാരം ജയറാമും സിനിമയിൽ ഒരു പ്രധാന വേഷത്തിൽ എത്തുന്നുണ്ട്. റിഷഭ് ഷെട്ടി സംവിധാനം ചെയ്തു നായകനായി എത്തുന്ന സിനിമ വലിയ ബജറ്റിൽ ഒരുങ്ങുന്നതിനാൽ പ്രതീക്ഷകൾ വാനോളമാണ്. ചിത്രം ഐമാക്സ് സ്‌ക്രീനുകളിലും പുറത്തിറങ്ങുമെന്നാണ് നിർമാതാക്കൾ അറിയിച്ചിരിക്കുന്നത്. ഇതോടെ വലിയ കളക്ഷൻ സിനിമയ്ക്ക് നേടാനാകും എന്ന് തന്നെയാണ് അണിയറപ്രവർത്തകരുടെ പ്രതീക്ഷ. ചിത്രം ഒക്ടോബർ രണ്ടിന് തിയേറ്ററുകളിൽ എത്തും. കന്നഡ, മലയാളം, തമിഴ്, തെലുങ്ക്, ഹിന്ദി ഭാഷകളിലാണ് സിനിമ പുറത്തിറങ്ങുന്നത്.

കെജിഎഫ്, കാന്താര, സലാർ തുടങ്ങിയ ബ്ലോക്ക്ബസ്റ്ററുകൾ നിർമിച്ച ഇന്ത്യയിലെ മുൻനിര പാൻ-ഇന്ത്യ പ്രൊഡക്ഷൻ ഹൗസായ ഹോംബാലെ ഫിലിംസാണ് കാന്താര ചാപ്റ്റർ 1-ന്റെയും നിർമാതാക്കൾ. ഏറെ പ്രതീക്ഷയോടെയാണ് കാന്താര: ചാപ്റ്റർ 1-നായി പ്രേക്ഷകർ കാത്തിരിക്കുന്നത്. ‘കാന്താര: എ ലെജൻഡ് ചാപ്റ്റർ വൺ’ എന്നാണ് പ്രീക്വലിന് നൽകിയിരിക്കുന്ന പേര്. 150 കോടി ബഡ്ജറ്റിലാണ് കാന്താര ചാപ്റ്റർ 1 ഒരുങ്ങുന്നത്. പി ആർ ഒ. മഞ്ജു ഗോപിനാഥ്,ഡിജിറ്റൽ മാർക്കറ്റിംഗ് ഒബ്സ്ക്യൂറ, മാർക്കറ്റിംഗ് ആൻഡ് അഡ്വർടൈസിംഗ് ബ്രിങ് ഫോർത്ത്.