തമിഴ്നാട്ടിലും ഞെട്ടിപ്പിച്ച്   ഭ്രമയുഗം കളക്ഷൻ

വൻ പ്രതികരണവുമായി മുന്നേറുകയാണ് മമ്മൂട്ടിയുടെ ഭ്രമയുഗം.  പ്രേക്ഷകരെ അമ്പരപ്പിക്കുകയാണ് ചിത്രത്തിലെ മമ്മൂട്ടിയുടെ പ്രകടനം. തെന്നിന്ത്യയിലും ചിത്രം നേടിയിരിക്കുന്നത് വമ്പൻ കളക്ഷനും അഭിപ്രായവുമാണ്. ഇതിനകം തമിഴ്‌നാട്ടിലെ ഓൾ ടൈം മലയാളം ഗ്രോസേഴ്‌സിൽ (മലയാളം വേർഷൻ) അഞ്ചാം സ്ഥാനം നേടി കഴിഞ്ഞു. ഇതുവരെ 1.60 കോടിയാണ് ഭ്രമയുഗത്തിന് തമിഴ്‌നാട്ടിൽ നിന്ന് ലഭിച്ചിരിക്കുന്നത്.

ഭ്രമയുഗം ഇപ്പോഴും മികച്ച പ്രതികരണത്തോടെ മുന്നേറുന്നതിനാൽ വരും ദിവസങ്ങളിൽ അടുത്ത സ്ഥാനങ്ങളിലേക്ക് കടക്കുമെന്നാണ് അനലിസ്റ്റുകളുടെ നിഗമനം.നിലവിൽ 2018 എന്ന ജൂഡ് ആന്റണി ചിത്രമാണ് തമിഴ്‌നാട്ടിൽ നിന്ന് ഏറ്റവും കളക്ഷൻ നേടിയ മലയാളം സിനിമ. 2.25 കോടിയാണ് 2018 തമിഴ്‌നാട്ടിൽ നിന്ന് നേടിയത്. ഹൃദയം, ലൂസിഫർ, പ്രേമം എന്നീ സിനിമകളാണ് തമിഴ്നാട്ടിൽ ആദ്യ നാല് പട്ടികയിൽ ഉള്ളത്. മമ്മൂട്ടിയുടെ തന്നെ കണ്ണൂർ സ്‌ക്വാഡ് ആറാം സ്ഥാനത്തുമുണ്ട്.

 ഭ്രമയുഗം ആഗോളതലത്തിൽ 50 കോടി ക്ലബ്ബില്‍ ഇടംനേടി. അർജുൻ അശോകൻ, സിദ്ധാർത്ഥ് ഭരതൻ, അമൽഡ ലിസ് തുടങ്ങിയവരാണ് മറ്റ് പ്രധാന വേഷങ്ങളിലെത്തുന്നത്.