കണ്ണൂർ : ആചാരങ്ങളിലെ വൈവിധ്യം കൊണ്ട് ശ്രേഷ്ഠമായ കൊട്ടിയൂരിൽ ദർശനകാലം ആരംഭിച്ചു. വൈശാഖ മഹോത്സത്തിന്റെ ഭാ​ഗമായി കൊട്ടിയൂർ പെരുമാളിന്റെ തിരുവാഭരണങ്ങളും പൂജാപാത്രങ്ങളും ഉൾപ്പെട്ട ഭണ്ഡാരങ്ങളും മുതിരേരിക്കാവിൽ നിന്നുളള ആദിപരാശക്തിയുടെ വാളും കൊട്ടിയൂർ അക്കരെ സന്നിധിയിൽ എത്തിയതോടെ കൊട്ടിയൂരിൽ വീണ്ടും ഒരു ദർശന കാലത്തിന് തുടക്കമായി.

കഴിഞ്ഞവർഷം അവസാനിപ്പിക്കാതെ ബാക്കി നിർത്തിയ ചടങ്ങുകൾ ഈ വർഷം ഭണ്ഡാരം എഴുന്നള്ളിപ്പ് അക്കരെ ക്ഷേത്രത്തിൽ എത്തിയതോടെ പൂർത്തിയാക്കും. അതിൻറെ ഭാഗമായി ആയിരുന്നു ആദ്യ ശീവേലി എഴുന്നള്ളത്ത് നടത്തിയത്. നിരവധി ഭക്തജനങ്ങൾ ആയിരുന്നു ശീവേലി ദർശിക്കാൻ അക്കരെ സന്നിധിയിൽകാത്തുനിന്നത്.