ത്യാഗത്തിന്റേയും സമര്പ്പണത്തിന്റേയും മഹത്വം വിളിച്ചോതുന്ന ആഘോഷം ; ഇന്ന് ബലിപെരുന്നാള്
ത്യാഗത്തിന്റേയും സമര്പ്പണത്തിന്റേയും മഹത്വം വിളിച്ചോതുന്ന ആഘോഷമാണ് ബക്രീദ്. ഇന്ന് ബലിപെരുന്നാള്. ഭാഷയുടേയും ദേശത്തിന്റെയും അതിരുകള് ഭേദിച്ച് വിശ്വ സാഹോദര്യത്തിന്റെ വിളംബരമായി മാറുകയാണ് ഈദ് ആഘോഷം.
ത്യാഗത്തിന്റേയും സമര്പ്പണത്തിന്റേയും മഹത്വം വിളിച്ചോതുന്ന ആഘോഷമാണ് ബക്രീദ്. ഇന്ന് ബലിപെരുന്നാള്. ഭാഷയുടേയും ദേശത്തിന്റെയും അതിരുകള് ഭേദിച്ച് വിശ്വ സാഹോദര്യത്തിന്റെ വിളംബരമായി മാറുകയാണ് ഈദ് ആഘോഷം.
പ്രവാചകനായ ഇബ്രാഹിം നബി തന്റെ പ്രിയപുത്രന് ഇസ്മായിലിനെ അള്ളാഹുവിന്റെ കല്പന മാനിച്ച് ബലിയര്പ്പിക്കാന് സന്നദ്ധനായതിന്റെ സ്മരണപുതുക്കുന്ന ദിനമാണ് ബക്രീദ്. ആറ്റുനോറ്റുണ്ടായ കുഞ്ഞിനെ ബലിയര്പ്പിക്കണമെന്ന അള്ളാഹുവിന്റെ കല്പനയോട് മനസുപതറാതെയാണ് ഇബ്രാഹിം നബി പ്രതികരിച്ചത്. അള്ളാഹുവിനോടുള്ള അചഞ്ചലമായ ഭക്തി പ്രകടമാക്കിയ ഇബ്രാഹിമിനെ നാഥന് ചേര്ത്തുപിടിച്ചതായാണ് വിശ്വാസം.ഭാഷയുടേയും ദേശത്തിന്റെയും അതിരുകളില്ലാതെ മെക്കയില് ഒരുമിക്കുന്ന വിശ്വാസികളുടെ ഹജ്ജ് തീര്ത്ഥാടനത്തിന്റെ പരിസമാപ്തി കൂടിയാണ് ബലിപെരുന്നാള്.
ഭക്തിനിര്ഭരമായ കൂട്ടായ്മകള് ഒരുക്കി, അതിരുകളില്ലാത്ത സ്നേഹത്തിന്റെയും സാഹോദര്യത്തിന്റെയും പ്രതീകമായി മാറുകയാണ് ബക്രീദ്. എല്ലാവര്ക്കും കേരള ഓൺലൈൻ ന്യൂസിന്റെ ബക്രീദ് ആശംസകള്.