പത്തനംതിട്ട: പത്തനംതിട്ടയിൽ  1.501 ഗ്രാം എംഡിഎംഎയും 50 ഗ്രാം കഞ്ചാവുമായി യുവാവ് പിടിയിൽ. തിരുവല്ല കവിയൂർ സ്വദേശിയായ പ്രശാന്ത് ആണ് അറസ്റ്റിലായത്. പത്തനംതിട്ട എക്സൈസ് എൻഫോഴ്‌സ്മെന്റ് & ആന്റി നർക്കോട്ടിക് സ്പെഷ്യൽ സ്‌ക്വാഡ് സർക്കിൾ ഇൻസ്‌പെക്ടർ എ.സെബാസ്റ്റ്യനും പാർട്ടിയും ചേർന്നാണ് കേസ് കണ്ടെത്തിയത്. പാർട്ടിയിൽ അസിസ്റ്റന്റ് എക്സൈസ് ഇൻസ്‌പെക്ടർ (ഗ്രേഡ്) ജയകുമാർ, പ്രിവന്റീവ് ഓഫീസർ ഗ്രേഡ് റിയാസ്മോൻ, സിവിൽ എക്സൈസ് ഓഫീസർ അജിത്, വനിത സിവിൽ എക്സൈസ് ഓഫീസർ സുബ്ബലക്ഷ്മി ജയറാം, സിവിൽ എക്സൈസ് ഓഫീസർ ഡ്രൈവർ ശ്രീജിത്ത്‌ എന്നിവരും പങ്കെടുത്തു.
‌
അതേസമയം, തിരുവനന്തപുരം കാട്ടാക്കടയിൽ 8 ലിറ്റർ ചാരായവുമായി മാറനല്ലൂർ സ്വദേശി രാജേന്ദ്രനെ അറസ്റ്റ് ചെയ്തു. കാട്ടാക്കട എക്‌സൈസ് റേഞ്ച് ഇൻസ്‌പെക്ടർ ശ്യാംകുമാറിന്റെ നേതൃത്വത്തിലാണ് പ്രതിയെ പിടികൂടിയത്. പാർട്ടിയിൽ അസിസ്റ്റന്റ് എക്‌സൈസ് ഇൻസ്‌പെക്ടർ(ഗ്രേഡ്) എൻ.ആർ.രാജേഷ്, പ്രിവന്റീവ് ഓഫീസർ (ഗ്രേഡ്) ഹർഷകുമാർ, സിവിൽ എക്സൈസ് ഓഫീസർ ഡ്രൈവർ റീജു എന്നിവരുമുണ്ടായിരുന്നു.