പാലക്കാട്: പാലക്കാട് വാളയാറിൽ കഞ്ചാവ് വേട്ട. രണ്ട് ലക്ഷം രൂപ വില വരുന്ന കഞ്ചാവുമായി പശ്ചിമ ബംഗാൾ സ്വദേശി എക്സൈസ് പിടിയിലായി. ബംഗാൾ മുർഷിദാബാദ് സ്വദേശി സഖിബുൾ ഇസ്ലാമാണ് എക്സൈസിന്റെ പിടിയിലായത്. നാല് കിലോയോളം കഞ്ചാവ് ഇയാളുടെ കൈവശം ഉണ്ടെന്നാണ് പുറത്ത് വരുന്ന വിവരം.

കോയമ്പത്തൂർ – ആലപ്പുഴ സ്വിഫ്റ്റ് ബസിൽ പരിശോധന നടത്തുന്നതിനിടയിലാണ് യുവാവ് കടത്താൻ ശ്രമിച്ച കഞ്ചാവ് എക്സൈസ് സംഘം പിടികൂടിയത്. എക്സൈസ് സംഘം പിടികൂടിയ കഞ്ചാവ് അങ്കമാലിയിലേക്ക് കടത്താനായിരുന്നു യുവാവിന്റെ ശ്രമമെന്നാണ് വിവരം.