വിഴിഞ്ഞത്ത് 65-കാരനെ മർദിച്ച മൂന്ന് യുവാക്കൾ അറസ്റ്റിൽ

തിരുവനന്തപുരം: വിഴിഞ്ഞത്ത് കടയുടെ മുന്നിൽ നിന്ന് അസഭ്യം പറഞ്ഞതിനെ തുടർന്നുണ്ടായ തർക്കത്തിൽ കടയുടമയക്ക് മർദനം. 65 വയസ്സുകാരനായ കടയുടമ ശേഖരനാണ് മർദനമേറ്റത്. സംഭവത്തിൽ സഹോദരങ്ങളായ അജിൻ (23), അഖിൽ (24), ഇവരുടെ സുഹൃത്ത് അജയ് (24) എന്നിവരെ വിഴിഞ്ഞം പോലീസ് അറസ്റ്റ് ചെയ്തു. 

ഒക്ടോബർ 28-ന് കടയുടെ മുന്നിലെത്തി അസഭ്യം പറഞ്ഞത് ശേഖരൻ വിലക്കിയതിനെത്തുടർന്ന് പ്രകോപിതരായ സംഘം, പിന്നീട് ശനിയാഴ്ച ഉച്ചയ്ക്ക് ശേഷം കാറിലെത്തി കടയിൽ കയറി ശേഖരനെ കമ്പികൊണ്ട് ആക്രമിക്കുകയായിരുന്നു. പ്രതികളെ കോടതിയിൽ ഹാജരാക്കി റിമാൻഡ് ചെയ്തു.