തലശ്ശേരിയിൽ ബ്രൗൺ ഷുഗറുമായി യുവാവ് പിടിയിൽ

തലശ്ശേരി: 10 മില്ലിഗ്രാം ബ്രൗൺ ഷുഗറുമായി യുവാവ് പിടിയിൽ. ടെമ്പിൾഗേറ്റ് സ്വദേശി സി.വി. അഫ്സലിനെയാണ് (35) തലശ്ശേരി പൊലീസ് പിടികൂടിയത്. രഹസ്യവിവരത്തെ തുടർന്ന് ബുധനാഴ്ച ഉച്ചക്ക് കോട്ട പരിസരത്ത് നടത്തിയ പരിശോധനയിലാണ് ഇയാളിൽനിന്ന് ബ്രൗൺ ഷുഗർ കണ്ടെടുത്തത്.

തലശ്ശേരി പൊലീസ് ഇൻസ്പെക്ടർ എം. അനിലിന്റെ നിർദേശപ്രകാരം എസ്.ഐ ഷെമി മോളുടെ നേതൃത്വത്തിലായിരുന്നു പരിശോധന. സി.പി.ഒമാരായ അനിൽ ആന്റണി, ജിജേഷ് കോപ്പായി എന്നിവരും പരിശോധനയിൽ പങ്കെടുത്തു.