കോഴിക്കോട്: താൻ പഠിപ്പിക്കുന്ന സ്‌കൂളിലെ പ്രായപൂർത്തിയാവാത്ത വിദ്യാർത്ഥിയെ ലൈംഗികമായി പീഡിപ്പിച്ച സംഭവത്തിൽ അധ്യാപകനെ അറസ്റ്റ് ചെയ്ത് പൊലീസ്. കോഴിക്കോട് ചെറുവണ്ണൂർ ഗവ. വൊക്കേഷണൽ ഹയർസെക്കന്ററി സ്‌കൂളിലെ ഹൈസ്‌കൂൾ വിഭാഗം അധ്യാപകൻ, ചെറുവണ്ണൂർ ശാരദാമന്ദിരത്തിന് സമീപം താമസിക്കുന്ന മങ്ങന്തറ ഹൗസിൽ എം സജീന്ദ്രബാബു (50) ആണ് ഈ ക്രൂരകൃത്യം ചെയ്തത്.

കഴിഞ്ഞ ഓഗസ്റ്റ് 21നാണ് കേസിനാസ്പദമായ സംഭവം നടന്നത്. പിറന്നാൾ സമ്മാനം വാങ്ങി നൽകാമെന്ന് പറഞ്ഞ് ഇയാൾ പ്രായപൂർത്തിയാകാത്ത വിദ്യാർത്ഥിയെ വീട്ടിലെത്തിച്ച് പീഡിപ്പിക്കുകയായിരുന്നു എന്നാണ് നല്ലളം പൊലീസിന് നൽകിയ പരാതിയിൽ പറഞ്ഞിരുന്നത്. സ്‌കൂളിൽ നടത്തിയ കൗൺസിലിംഗിനിടെയാണ് പീഡന വിവരം പുറത്തറിയുന്നത്. പിന്നീട് പൊലീസിൽ പരാതി നൽകി. കുട്ടിയുടെ വിശദമായ മൊഴി രേഖപ്പെടുത്തിയാണ് അറസ്റ്റിലേക്ക് നീങ്ങിയത്. സജീന്ദ്ര ബാബുവിനെതിരേ നേരത്തെയും ഇത്തരത്തിൽ പരാതികൾ ഉയർന്നിരുന്നതായാണ് വിവരം. കോടതിയിൽ ഹാജരാക്കിയ ഇയാളെ റിമാന്റ് ചെയ്തു.