മഞ്ചേശ്വരത്ത് എംഡിഎംഎയുമായി യുവാവ് അറസ്റ്റിൽ

ഉപ്പള: ബൈക്കിൽ കടത്തുകയായിരുന്ന 26.81 ഗ്രാം എംഡിഎംഎയുമായി യുവാവ് അറസ്റ്റിൽ.ബങ്കര, മഞ്ചേശ്വരം, നസീറിയ മൻസിലിലെ അബൂബക്ക ർ ആബിദി (25)നെയാണ് മഞ്ചേശ്വരം എസ്ഐ വൈഷ്ണ വിന്റെ നേതൃത്വത്തിൽ ഇന്ന് പുലർച്ചെ 1.45 മണിയോടെ ഹൊസങ്കടി എൻഎച്ച് ഓവർബ്രിഡ്‌ജ് റോഡിൽ വെച്ച് അറസ്റ്റു ചെയ്തത്. എസ്ഐയുടെ നേതൃത്വത്തിൽ രാത്രികാല പരിശോധന നടത്തുകയായിരുന്നു പോലീസ് സംഘം. 

സംശയം തോന്നി ബൈക്ക് തടഞ്ഞു നിർത്തി ദേഹപരിശോധന നടത്തിയപ്പോഴാണ് അബൂബക്കർ ആബിദിൻ്റെ പാൻ്റ്സിന്റെ പോക്കറ്റിൽ നിന്ന് മയക്കുമരുന്നു കണ്ടെടുത്തതെന്ന് പോലീസ് പറഞ്ഞു. അറസ്റ്റിലായയാൾ നിരവധി കേസുകളിൽ പ്രതി യാണെന്ന് പോലീസ് കൂട്ടിച്ചേർത്തു.