ജർമൻ ആഡംബര വാഹന നിർമാതാക്കളായ ഔഡി ഇന്ത്യ പുതിയ ഔഡി ക്യു3-യുടെ ഇന്ത്യയിലെ ബുക്കിങ് ആരംഭിച്ചു. 1 ലക്ഷം രൂപയാണ് പ്രാരംഭ ബുക്കിങ് തുക. ഔഡി ഇന്ത്യയുടെ ഔദ്യോഗിക വെബ്സൈറ്റ്, ‘മൈഔഡി കണക്ട്’ ആപ്ലിക്കേഷൻ, ഔഡി ഇന്ത്യ ഡീലർഷിപ്പുകൾ എന്നിവ വഴി ബുക്കിങ് നടത്താം.

“പുതിയ ഔഡി ക്യു3-യുടെ ബുക്കിങ് ആരംഭിക്കുന്നത് ഞങ്ങൾക്ക് ആവേശകരമായ നാഴികക്കല്ലാണ്. ശ്രദ്ധേയവും പുരോഗമനപരവുമായ ഡിസൈൻ, നൂതന സാങ്കേതികവിദ്യ, മികച്ച ഡ്രൈവിങ് പ്രകടനം, ദൈനംദിന ഉപയോഗത്തിലെ വൈവിധ്യം എന്നിവ പുതിയ ക്യു3 ഒരുമിച്ച് നൽകുന്നു. ഔഡിയുടെ സവിശേഷമായ സ്വഭാവം നിലനിർത്തിക്കൊണ്ട് കൂടുതൽ പ്രകടമായ ഡിസൈൻ, എളുപ്പത്തിലുള്ള സാങ്കേതികവിദ്യ, കണക്റ്റഡ് അനുഭവം എന്നിവയാണ് പുതിയ ക്യു3 നൽകുന്നത്. വാഹനത്തിന് ലഭിച്ച മികച്ച പ്രതികരണത്തിന്റെ പശ്ചാത്തലത്തിൽ ബുക്കിങ് ആരംഭിക്കുന്നത് ഇന്ത്യയിലെ എസ്‌യുവി ശ്രേണി കൂടുതൽ ശക്തിപ്പെടുത്തുന്നതിനുള്ള സുപ്രധാന ചുവടുവയ്പ്പാണ്.” ഔഡി ഇന്ത്യ ബ്രാൻഡ് ഡയറക്ടർ ബൽബീർ സിംഗ് ധില്ലൺ പറഞ്ഞു

പുതിയ ഔഡി ക്യു3 ആകർഷകമായ ഡിസൈൻ, ആത്മവിശ്വാസം നൽകുന്ന പ്രകടനം, ദൈനംദിന ഉപയോഗത്തിലെ സൗകര്യം എന്നിവ സംയോജിപ്പിക്കുന്നു. 2.0 ലിറ്റർ പെട്രോൾ എൻജിനാണ് വാഹനത്തിന് കരുത്തേകുന്നത്. ഔഡിയുടെ ക്വാട്രോ ഓൾ-വീൽ ഡ്രൈവിനൊപ്പം സെഗ്മെന്റിൽ ആദ്യമായെത്തുന്ന നിരവധി സവിശേഷതകളും പുതിയ ക്യു3യിൽ ഉൾപ്പെടുത്തിയിട്ടുണ്ട്.