വീടിന്റെ മുറ്റത്തും ടെറസിലും ബാൽക്കണിയിലും ചെറിയൊരു പൂന്തോട്ടം ഒരുക്കുന്നത് വീടിന്റെ ഭംഗി വർധിപ്പിക്കുന്നതിനൊപ്പം മനസിന് സന്തോഷവും നൽകും. വലിയ സ്ഥലം ഇല്ലാത്തവർക്കും ഗ്രോബാഗുകളും ചട്ടികളും ഉപയോഗിച്ച് ചെടികൾ വളർത്താം.

സ്ഥലത്തിന്റെ വലുപ്പവും ലഭിക്കുന്ന സൂര്യപ്രകാശവും കണക്കിലെടുത്താണ് ചെടികൾ തിരഞ്ഞെടുക്കേണ്ടത്. പൂച്ചെടികൾക്കൊപ്പം അലങ്കാര ഇലച്ചെടികളും ഔഷധസസ്യങ്ങളും ഉൾപ്പെടുത്താം. ചെടികൾ തമ്മിൽ ആവശ്യമായ അകലം നൽകുകയും വെള്ളം കെട്ടിനിൽക്കാത്ത രീതിയിൽ ചട്ടികൾ ക്രമീകരിക്കുകയും വേണം.