ഒരുകാലത്ത് സാധാരണ ചെടിയെന്ന നിലയിൽ അവഗണിക്കപ്പെട്ടിരുന്ന ചെമ്പരത്തി ഇന്ന് വീണ്ടും പ്രാധാന്യം വീണ്ടെടുക്കുകയാണ്. പഴയ സ്റ്റൈലുകളും ട്രെൻഡുകളും തിരിച്ചുവരുന്നതുപോലെ, ചെമ്പരത്തിയും ശക്തമായി തിരികെ ശ്രദ്ധ നേടുകയാണ്.

വലിയ കുറ്റിച്ചെടിയായി വളരുന്ന ചെമ്പരത്തിക്ക് ഇന്ന് നിരവധി ഹൈബ്രിഡ് ഇനങ്ങൾ വിപണിയിൽ ലഭ്യമാണ്. ചകിരിച്ചോരും ചുവന്നമണ്ണും കലർത്തിയ മണ്ണിൽ നീളമുള്ള കമ്പുകൾ മുറിച്ച് നട്ട് വളർത്താം. ആദ്യം ഗ്രോ ബാഗുകളിലോ പോളിബാഗുകളിലോ വളർത്തി പിന്നീട് ചട്ടിയിലേക്കോ നേരിട്ട് മണ്ണിലേക്കോ മാറ്റുന്നതാണ് നല്ലത്. ഏകദേശം രണ്ട് മാസത്തിനുള്ളിൽ കമ്പുകളിൽ വേരുപിടിക്കും. വേരുകൾ ശക്തമായാൽ ചട്ടിയിലേക്ക് മാറ്റാം. അഞ്ചുമാസം കഴിഞ്ഞാൽ പൂക്കൾ കാണാൻ തുടങ്ങും. ചില ഹൈബ്രിഡ് ഇനങ്ങൾ 10 ഇഞ്ച് ഉയരത്തിൽ എത്തിയാലും പൂക്കും. സ്ഥിരമായി വെള്ളം നൽകണം, പ്രത്യേകിച്ച് വേനൽക്കാലത്ത് ഇടവിട്ട് നനയ്ക്കുന്നത് അനിവാര്യമാണ്.

ആ​രോ​ഗ്യ ഔ​ഷ​ധ ഗു​ണ​ങ്ങ​ൾ ഏ​റെ​യു​ള്ള ചെ​മ്പ​ര​ത്തി വ​ള​ർ​ത്തുന്നത് ലാ​ഭ​ക​ര​മാ​യ സം​രം​ഭം​കൂ​ടി​യാ​ണ്. ഉ​ണ​ങ്ങി​യ ചെ​മ്പ​ര​ത്തി​പ്പൂ​വി​ന് വി​ദേ​ശ​ത്ത് ആവശ്യക്കാരുണ്ട്. 20ല​ധി​കം രാ​ജ്യ​ങ്ങ​ളി​ലേ​ക്ക് ഇ​ന്ത്യ​യി​ൽ​നി​ന്ന് ഉ​ണ​ങ്ങി​യ ചെ​മ്പ​ര​ത്തി​പ്പൂ ക​യ​റ്റിയയക്കുന്നുണ്ട്. ബേ​ക്ക​റി വി​ഭ​വ​ങ്ങ​ളിലും പാ​നീ​യ​ങ്ങ​ളി​ലും മ​രു​ന്നു​ക​ളി​ലും സൗ​ന്ദ​ര്യ വ​ർ​ധ​ക വ​സ്തു​ക്ക​ളി​ലു​മെ​ല്ലാം ചെ​മ്പ​ര​ത്തി ചേ​രു​വ​യാ​ണ്. ഭ​ക്ഷ​ണ​ത്തി​ന് നി​റം ന​ൽ​കു​ന്ന​തി​നും ഉ​പ​യോ​ഗി​ക്കു​ന്നു​. കൃ​ഷി ഓ​ഫി​സു​ക​ളു​മാ​യി ബ​ന്ധ​പ്പെ​ട്ടാ​ൽ കൂ​ടു​ത​ൽ വി​വ​ര​ങ്ങ​ൾ അ​റി​യാ​ം.